माघ ५, २०८०
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
चैत ६, २०७६
विश्वभर कोरोना भाइरस (कोभिड–१९) को संक्रमण फैलिरहेका बेला नेपालमा कोरोनाको संक्रमण नफैलियोस् भनेर काठमाडौंका ३ युवाले सार्वजनिक स्थलमा साबुनपानीले हात धुने व्यवस्था गरेका छन् ।
विवेक शर्मा, महेन्द्र शाही र श्रीराम महर्जनले काठमाडौंको न्यूरोडस्थित पाकोको मोबाइल गल्लीमा १२ वटा ट्याङ्कीमा पानी र साबुन राखेर कोरोनाको जोखिम कम गर्न हात धुने अभियान शुरू गरेका हुन् ।
विभिन्न मिडिया र डाक्टरहरूले हातको माध्यमबाट कोरोना भाइरस फैलिने बताइरहेका बेलामा विवेक शर्माले साबुन पानीले हात धुने ठाउँ निर्माण गर्ने योजना बनाए ।
उनले आफ्नो योजना शाही र महर्जनलाई सुनाए, शर्माको प्रस्तावमा दुवै सहमत भए ।
शर्माले २ सय लिटरका पानी ट्याङ्की ल्याए, महर्जनले पानी राख्ने स्टयाण्ड बनाए, शाहीले धारा किनेर जडान गरे ।
मोबाइल गल्लीमा मोबाइल पसल सञ्चालन गर्दै आएका तिनै जान आफूहरूले व्यक्तिगतरूपमा पसलमा मात्रै राख्नुभन्दा आफ्नो पसल अगाडि र टोलमा राख्दा अरूलाई पनि फाइदा हुने भएकाले यसको शुरूवात गरेको बताउँछन् ।
‘संसारभर कोरोनाको संक्रमण फैलिरहेको छ, यो सबै एकअर्काको स्पर्शले गर्दा र हातबाट फैलिने भएकाले हामीले हात धुने अभियान शुरूवात गरेका हौं,’ शर्माले लोकान्तरसँग भने ।
विश्व स्वास्थ्य संगठनले पनि कोरोना हातबाट नै मुख्यरूपमा सर्ने भनेकाले आफैंबाट हातधुने व्यवस्था किन शुरू नगर्ने ? भन्ने सोचाइले यसको शुरूवात गरेको उनीहरू बताउँछन् ।
एक जनाले हात धोएको खण्डमा अन्य धेरै जनालाई संक्रमण हुनबाट जोगाउन सकिने शर्माको विश्वास छ । यसले गर्दा ठाउँका टोलबासीले सिकेर यस्तो अभियानको शुरूवात गर्ने विश्वास पनि उनीहरूले लिएका छन् ।
‘सबैले हात धुनुपर्छ, यसले गर्दा कोरोनालगायत अन्य सरुवा रोग सर्दैन भन्ने सन्देश जाओस् भन्नका लागि आफ्नो टोलबाट शुरूआत गरेका हौं,’ महेन्द्र शाहीले लोकान्तरसँग भने ।
आफूहरूले शुरूआत गरको काम अन्यले पनि सिको गर्ने र धेरै मानिसलाई संक्रमणबाट जोगाउन मद्दत पुग्ने श्रीराम महर्जनको विश्वास छ ।
उनीहरूको काम देखेर सर्वसाधारण खुशी छन् ।
साबुन पानीले हात धुने व्यवस्था गरेर संक्रमण फैलिनबाट जोगाउने काम सरहानीय भएको त्यहीँ भेटिएका कीर्तिपुरका दीपक थापाले बताए ।
‘जसले शुरूआत गर्नु भएको भएपनि राम्रो काम गर्न भएछ । जीवनभन्दा ठूलो त अरू केही होइन नि ! यसबाट अरूले पनि सिक्नुपर्छ,’ थापाले लोकान्तरसँग भने ।
यसका अलावा उनीहरूले भीडभाड हुने क्षेत्र सुन्धारा, काठमाडौं मल अगाडि, रत्नपार्क र घण्टाघरमा पनि यस्ता ट्याङ्की र साबुनपानीले हातधुने ठाउँ निमार्ण गर्न लागेका छन् ।
उनीहरूले सुन्धारा हुँदै जाने सार्वजनिक यातायातमा स्यानिटाइजर छर्कने व्यवस्था समेत मिलाउन लागेको विवेक शर्माले बताए ।
उनले भने, ‘हामीले अब लगत्तै सुन्धारा, काठमाडौं मल हुँदै हिँड्ने सार्वजनिक यातायातमा पनि स्यानिटाइजर छर्कने योजना बनाएका छौं ।’
लायन्स क्लबको सहकार्यमा स्यानिटाइजरको व्यवस्था गर्ने उनीहरूको योजना छ ।
पानी ट्यांकी नजिकै ‘कोरोनासँग डराउने कि कोरोनालाई हटाउने ?’ भन्ने सन्देश लेखिएको ब्यानर समेत टाँगिएको छ ।
उनीहरूको अभियानमा सहयोग पनि जुट्न थालेको छ ।
कसैले साबुन, कसैले बाल्टिन त कसैले स्ट्याण्ड बनाउनका लागि ज्याला दिएर सहयोग गरेका छन् ।
हेर्नुहोस्, भिडियो :
फोटो/भिडियो : रोजन श्रेष्ठ/लोकान्तर
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...