कोरोना संक्रमितहरू पनि छन् भन्ने हल्ला फैलिएपछि फेरी जहाजबाट भागे यात्रु (भिडियो)

इन्डोनेसियाको माउमेरमा एउटा जहाज (फेरी) मा कोरोनाभाइरस संक्रमितहरू पनि चढेको भनी हल्ला फैलिएपछि आत्तिएका यात्रुहरू भागेका छन् । 

घटनाको भिडियोमा यात्रुहरूले ज्यान जोखिममा राख्दै फेरीबाट हाम्फालेको देखिन्छ । 


Advertisement

हाम्फालेपछि यात्रुहरू पौडेर तटतर्फ गएका थिए । अधिकारीहरूले फेरीलाई किनार लाग्न दिन चाहेनन् किनकि कोरोनाभाइरस फैलिने डर उनीहरूलाई लाग्यो । 

फेरी इन्डोनेसियाको बोर्नियो हुँदै माउमेरस्थित तटमा जान खोज्दैथियो । फेरीका तीनजना कर्मचारीलाई कोरोनाभाइरस लागेको भनी हल्ला फैलियो । 


Advertisement

फेरीको डेकमा भीड जम्मा भयो र मानिसहरू सुन्तला रंगको लाइफ ज्याकेट लगाएर समुद्रमा हाम्फाल्न थालेपछि अन्य यात्रुले भिडियो खिचे । 

पछि उक्त जहाजलाई किनार लाग्न दिने कि नदिने भनी अधिकारीहरूले तर्कवितर्क गरेको एक अधिकारीले बताए । 

पछि चाहिँ स्वास्थ्यकर्मीहरूले सुरक्षा वस्त्र लगाएर लाम्बेलु नामक जहाजमा यात्रुहरूको स्वास्थ्य परीक्षण गरेका थिए । जहाजलाई किनार लगाएर यात्रुहरूलाई क्वारेन्टीनमा पठाइएको थियो । 

जहाजमा २५५ यात्रु थिए । तीमध्ये अधिकांश मलेसियाबाट घर फर्किरहेका आप्रवासी कामदार थिए । 

कोरोनाको डर फैलिँदै गर्दा माउमेरका निवासीहरूले तटमा भेला भएर जहाज त्यहाँ आएको विरोध गरेका थिए । घटना मंगलवार भएको हो ।

एजेन्सी
एजेन्सी

लेखकबाट थप...

कमेन्ट गर्नुहोस्