कोरोनाका कारण धनी मुलुक सिंगापुर भयो बेहाल

कोरोना महामारीले व्यापारमा आश्रित एसियाका विभिन्न अर्थतन्त्रलाई हानि पुर्‍याएको छ । 

एसियाको धनी मुलुक सिंगापुरमा दोस्रो त्रैमासिकमा मन्दीको आकलन गरिएको भए पनि खासमा त्यसको असर त्यसभन्दा बढी छ । 


Advertisement

कोभिड–१९ ले सिंगापुर नराम्ररी प्रभावित भयो र भाइरस फैलिनबाट रोक्नका लागि लकडाउन लगाइयो । दोस्रो त्रैमासिकमा लगभग पूरा समय लकडाउन लगाइयो । 

व्यापार तथा उद्योगका स्थायी सचिव ग्याब्रियल लिमले पत्रकार ब्रीफिङमा भने, ‘आगामी त्रैमासिकमा कोरोनाभाइरसको संक्रमणको स्थिति के होला भन्ने स्पष्ट छैन । घरेलु तथा विश्वव्यापी अर्थतन्त्रमा सुधारका लागि के गर्ने भन्ने विषयमा अनिश्चितता कायम छ ।’


Advertisement

उनले भने, ‘मे महिनापछि सिंगापुरको अर्थतन्त्र कमजोर भएको छ ।’

कुल गार्हस्थ्य उत्पादनमा दोस्रो त्रैमासिकमा अघिल्लो वर्षको तुलनामा १३.२ प्रतिशत गिरावट देखिएको छ । 

विगत तीन महिनामा वार्षिक तथा सीजनल स्थितिको समायोजन गरिएको आधार हेर्दा अर्थतन्त्र ४२.९ प्रतिशतले ओरालो लागेको देखिन्छ । त्यो पनि एउटा कीर्तिमान नै हो । 

सरकारले वर्षभरिको जीडीपी ५ र ७ प्रतिशतको बीचमा हुने आशा गरेको छ । पारवहन र पर्यटनको केन्द्र मानिने सिंगापुर अहिले इतिहासको सबभन्दा खराब चरणबाट गुज्रिरहेको छ । 
 

मेयबैंकका अर्थशास्त्री शुआ हक बिनले भने, ‘दोस्रो त्रैमासिकमा गिरावट र वर्षभरिको जीडीपी वृद्धि सुस्त हुनुले आर्थिक सुधार कमजोर रहेको इशारा गरेको छ ।’

लकडाउनबाट राहत पाएपनि सीमामा कडा प्रतिबन्ध, सामाजिक दूरीको नियम र विदेशी कामदारको कमीका कारण अर्थतन्त्रलाई गति दिन सहज छैन, उनी भन्छन् । 

सिंगापुरको राष्ट्र बैंकले मार्च महिनामा मौद्रिक नीतिमा थोरबहुत राहत दिएको थियो । सरकारले पनि महामारीको प्रभाव न्युनीकरणका लागि १०० अर्ब सिंगापुर डलर बराबरको राहत प्याकेज जारी गरेको थियो । 

एजेन्सी
एजेन्सी

लेखकबाट थप...

कमेन्ट गर्नुहोस्