बेलारुसमा सरकारविरुद्ध जनताको आक्रोश, प्रदर्शनका क्रममा १ जनाको मृत्यु

बेलारुसको राजधानी मिन्स्कमा भएको सरकारविरोधी प्रदर्शनका क्रममा सुरक्षाकर्मीतर्फ बम फ्याँक्दै गर्दा एक प्रदर्शनकारी विस्फोटमा परी मारिएका छन् । 

त्यहाँ राष्ट्रपति निर्वाचनको परिणामका विरुद्ध व्यापक जनप्रदर्शन भइरहेका छन् । 
 


Advertisement

बेलारुसको गृह मन्त्रालयले मिन्स्कमा सोमवार राति उक्त व्यक्तिको मृत्युको पुष्टि गरेको छ । 

एकजना विरोधकर्ताले कानून कार्यान्वयन अधिकारीलाई ताकेर विस्फोटक पदार्थ फ्याँक्न खोजेका थिए । त्यो पदार्थ उनकै हातमा पड्कियो र ज्यानै जाने गरी चोटपटक लाग्यो,’ मन्त्रालयका प्रवक्ताले बताए । 
 


Advertisement

विरोधकर्ताहरूले प्रिटाइट्स्की एभेन्युमा पेट्रोल बम प्रहरीलाई ताकेर हानेको बताइएको छ । सोमवार राति ड्रोन क्यामराले खिचेको भिडियोमा ठूलो भिडले पुश्किनस्काया मेट्रो स्टेसन नजिकको चोक घेरेको देखिएको छ । 
प्रहरीले उनीहरूलाई तितरबितर पार्न फ्ल्याश ब्याङ ग्रिनेड उपयोग गरेका छन् । 

एउटा बसमा आगजनी समेत गरिएको थियो ।

विपक्षी दलका कार्यकर्ताले राष्ट्रपति निर्वाचनको आधिकारिक परिणाम स्वीकार गर्न मानिरहेका छैनन् । बहालवाला राष्ट्रपति अलेक्जेन्डर लुकाशेन्कोले लगभग ८० प्रतिशत मत पाएको र प्रमुख प्रतिद्वन्द्वी स्वेत्लाना तिखानोभ्सकायालाई हराएका छन् । 

तर निर्वाचनमा गडबडी गरिएको भन्दै विपक्षीहरूले परिणाम अस्वीकार्य रहेको बताउँदै आएका छन् । 
 

एजेन्सी
एजेन्सी

लेखकबाट थप...

कमेन्ट गर्नुहोस्