काठमाडौं उपत्यकामा शुक्रवार निर्वाध रूपमा बैंक सञ्चालन भएका छन् ।

शुक्रवार सहजै सञ्चालनमा ल्याइएको नेपाल बैंकर्स एसोसिएसनका अध्यक्ष भुवन दाहालले लोकान्तरलाई बताए । 

उपत्यकामा एक बैंकले केन्द्रीय कार्यालय र अर्को एक शाखा सञ्चालन गरिरहेको छ ।

एक बैंकमा बढीमा ३० जना कर्मचारीले बैंक चलाउने निर्णय अनुसार काम गरिएको अध्यक्ष दाहालले बताए । उनले भने, एक बैंकमा ३० जना कर्मचारी उपस्थित हुने भनिएको छ, सोही अनुरूप काम गरिएको छ ।

बैंकमा अहिले नगद कारोबार, अनलाइन बैंकिङ, ट्रेजरी बिल लगायतको काम गर्ने हुँदा केन्द्रीय कार्यालय सञ्चालनमा आउँछन् । केन्द्रीय कार्यालय सञ्चालनमा आउँदा नजिकैको शाखा भने बन्द रहनेछ ।

उपत्यकामा काठमाडौं, ललितपुर र भक्तपुरमा एक एक शाखा सञ्चालन गर्न पाउनेछ । 

एक जिल्लामा एक शाखा सञ्चालनमा आउँदा सेवाग्राहीको भने केही चाप छ । त्यो चापलाई कम गर्न केन्द्रीय बैंक नेपाल राष्ट बैंकसँग छलफल गरिने अध्यक्ष दाहालको भनाइ छ । 

यसअघि बिहीवार भने प्रहरीले बैंकका कर्मचारीलाई बाहिर निस्कन दिएको थिएन । जसबाट सेवा प्रभावित भएको थियो । त्यसकारण बैंकर्स एसोसियसनले बिहीवार बैंक खुलाएको थिएन ।