नेपाल उद्योग वाणिज्य महासंघको अध्यक्ष बनेपछि शेखर गोल्छाले समुन्नत मुलुक निर्माणका लागि एकजुट भएर लाग्ने उद्घोष गरेका छन् । 

आइतवार एक ट्वीट गर्दै उनले निर्वाचनबाट नयाँ टिम आएको र निजी क्षेत्रको विकास र सम्मुन्नत मुलुक निर्माणका लागि प्रतिवद्धता जनाएका हुन् । 

उने ट्वीटरमा लेखेका छन्, 'एफएनसीसीआई जस्तो गरिमामय संस्थाको आजबाट नेतृत्व गर्ने अवसर पाएको छु । मलाई यहाँसम्म पुग्न साथ दिनुहुने सम्पूर्णमा हार्दिक आभार । हिजोको निर्वाचनबाट नयाँ टिम आएको छ । अब  सबै एकजुट भएर  सम्मानित निजीक्षेत्र र समुन्नत मुलुक निर्माणका लागि हामीले तयार पारेको रणनीति कार्यान्वयनमा लाग्नेछौ ।'

महासंघको ५४ औं साधारणसभापछि गोल्छा अध्यक्ष बनेका छन् । यस्तै शनिवार सम्पन्न निर्वाचनमा वरिष्ठ उपाध्यक्ष पदमा चन्द्र ढकाल विजयी भएका छन् । 

निर्वाचित भएपछि ढकालले अब महासंघमा प्यानल सकिएको र सबैसँग मिलेर अगाडि बढ्ने प्रतिक्रिया दिएका छन् । 

FNCCI जस्तो गरिमामय संस्थाको आजबाट नेतृत्व गर्ने अवसर पाएको छु । मलाई यहासम्म पुग्न साथ दिनुहुने सम्पूर्णमा हार्दिक आभार । हिजोको निर्वाचनबाट नयाँ टिम आएकोछ । अब सबै एकजुट भएर सम्मानित निजीक्षेत्र र समुन्नत मुलुक निर्माणका लागि हामीले तयार पारेको रणनीति कार्यान्वयनमा लाग्नेछौ ।

— Shekhar Golchha (@golchha_shekhar) November 29, 2020