कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
पोखरा लाहुरेहरूको शहर हो । त्यसमा पनि अधिकांश गुरुङ समुदाय लाहुरे छन् । तर गुरुङको छोरो उनी भने लाहुरे भएनन्, मोडल बने ।
केही समय र्याम्प उत्रे । पेशामा चित्त नबुझेपछि विदेश मोह जाग्यो । केही वर्ष दुःख भोगे ।
पछि स्वदेशमै सम्भावना देखेर पुनः फर्किए । व्यवसाय थाले । सानो लगानीबाट शुरू व्यवसायले उनलाई केही वर्षभित्रै भरपुर सन्तुष्टि दियो । किताबीभन्दा व्यावहारिक ज्ञान बढी सिकेका उनी भन्छन्, ‘यही विदेश छ । सम्भावनाको ढोका खोज्नुपर्दो रहेछ । युवा वर्ग सकेसम्म विदेशिनु हुँदैन ।’
सिद्धार्थ राजमार्गअन्तर्गत पोखरा–१७ हिमालीटोलमा १ दशकअघि फ्रेस हाउस चलाउने क्रममा ईश्वर गुरुङ (प्रयासी) लाई एक युवतीले जिज्ञासा राखिन्, ‘तपाईं मोडल हैन र ?’
त्यसबेला ईश्वरले आफ्नो परिचय लुकाउँदै ‘हैन’ भने ।
भर्खरै विदेशबाट फर्किएका उनले कान्छा बुवाको प्रेरणाले पुइमे फ्रेस हाउस एण्ड सप्लायर्स चलाएका थिए । हेर्दा आकर्षक र बलिष्ठ ज्यानका ईश्वर भने वास्तविक मोडल नै थिए ।
द लुक्स होमले सन् २००१ मा पोखरामा आयोजना गरेको फेस टू फेस कन्टेस्टका उनी विजेता हुन् । विजेता हुँदै उनी मिस्टर पोखरा घोषित भए । केही समय पोखरा र काठमाडौंमा गरी म्यूजिक भिडियो साथसाथै र्याम्पमा उत्रिएका ईश्वरले विभिन्न इभेन्ट पनि सञ्चालन गरे ।
पोखरामा शुरूआतमा चलेका मोडलको नाम लिनुपर्दा उनको नाम अग्रपंक्तिमा आउँछ । त्यसबेला केही वर्ष बिताएपछि उनमा विदेशको मोह जाग्यो । विदेश पनि गए । जापान, दुबई र मकाउमा गरी ४ वर्ष बिताएका उनी स्वदेशमै केही गर्छु भनी फर्किएर व्यवसाय थालेका थिए ।
गुणस्तर कायम र सहुलियत मूल्यमा सेवा दिने उनको पसलमा ग्राहकको अत्यधिक बढ्दै जान थाल्यो । उनलाई चिनेजानेकाले ‘मिस्टर पोखरा’ भन्थे । धुमिल चिन्नेले ती युवतीझैं मोडलको परिचय पनि थप्थे ।
उनले लोकान्तरसँग विगत सम्झँदै भने, ‘मलाई मिस्टर पोखरा वा मोडल भनी चिनाउन मन लागेन । पेशा नितान्त फरक भएकाले फ्रेस हाउसमै केन्द्रित भएँ ।’
फ्रेस हाउस चलेपछि उनले त्यहीँ अगाडि ठेलामै फास्ट फूड बेच्न थाले । युवायुवतीको रोजाइ नै पुइमे बन्न पुग्यो ।
यता आम्दानी पनि बढ्दै गयो । पछि रेस्टुरेन्टकै रूप दिने सोच पलायो । २०७० सालतिर जग्गा भाडामा लिएर करीब १७ लाख लगानीमा पुइमे फास्ट फूड एण्ड बार सञ्चालन गर्न थाले । लगानीमा आमा तारादेवीले आर्थिक सहयोग गरिन् । १५–२० जना युवालाई रोजगार पनि दिलाए ।
भन्नेहरूले त भन्थे – राजमार्गको स्टेसन नभएको ठाउँमा रेस्टुरेन्ट चल्न गाह्रो हुन्छ । लगानी फसाउने मात्र काम हो । अन्त कतै गर्दा राम्रो हुन्छ ।
ईश्वरले शुभचिन्तकको कुरा सुन्थे । तर सम्भावनाको ढोका पनि कल्पना गरिसकेका थिए । त्यसैले निरन्तर परिश्रम र कामप्रति दत्तचित्त बनेर राजमार्ग छेउमै आकर्षक डेकोरेसनमा रेस्टुरेन्ट चलाए ।
उनको मान्यता कायमै थियो, गुणस्तर र सहुलियत । जसले ग्राहक तान्न सहज भयो । काममा भ्याइँ–नभ्याइँ भयो । एकपछि अर्को कर्मचारी थप्दै गए । नजिकका मात्र हैन, टाढाटाढाबाट पनि मानिसहरू पुइमेमै खाजा खाना आउन थाले । पालो कुरेरै बस्न थाले । मम, चाउमिन, पिजा, बर्गर, राइस बिरानी लगायत खाजाका परिकारमा बेग्दै स्वादले ग्राहकको रोजाइ बन्न पुग्यो । थिचेको आलुको परिकारलाई पनि समावेश गरेर पहिचान बढाए ।
तत्पश्चात ईश्वरले केही वर्षमै ग्राहकको थप मन जित्दै आर्थिक उपार्जन गरे । अहिले त्यहीँ नाममै ५० मिटरमाथि आफ्नै बिल्डिङमै रेस्टुरेन्ट चलाएका छन् । २ वर्ष बित्यो घर बनेको । घर निर्माणमा केही लगानी घरपरिवारबाट पनि परेको उनले बताए । ३ तले घरको पहिलो र दोस्रो तला पूरै रेस्टुरेन्ट प्रयोजनका लागि प्रयोग छ । माथिल्लो तलामा आमा, पत्नी, १ छोरा र १ छोरीसँग बस्छन् । २४ जनालाई रेस्टुरेन्टमा काम दिएका छन् ।
‘लकडाउनअघि ३३ जनालाई रोजगारी दिलाएको थिएँ । अहिले केही कर्मचारी मात्र घटेका हुन्,’ उनले भने, ‘कोरोना प्रभावको असर कम हुँदै गएपछि थप जनशक्ति थप्ने विचारमा छु ।’
रेस्टुरेन्टमा मात्रै हालसम्म ७० लाखजति लगानी परेको उनले बताए । तत्कालै फूड क्याट्रिङ व्यवसाय पनि सञ्चालन गर्ने विचारमा उनी छन् । १० वर्षअघिसम्म कामको खोजीमा विदेश भौंतारिएका उनले अहिले आफैंले ठूलो संख्यामा आफूजस्तै युवालाई काम दिलाउन पाउँदा सन्तुष्ट रहेको बताउँछन् । रेस्टुरेन्टमा एकैपटक २०० जनासम्मलाई सेवा दिने क्षमता छ । आफ्ना परिकार पस्किन उनले पोखरा उपत्यकाभर निःशुल्क होम डेलिभरि दिन्छन् ।
पहिले लगानी खेर जान्छ कि भन्नेहरू उनको एकाएक प्रगति देख्दा छक्क पर्छन् । छोटो समयमै आँखै अगाडि देखिएको व्यावसायिक सफलताले अरुहरूको लागि पनि उनी प्रेरणाको स्रोत बनेका छन् । उनले भने, ‘यसप्रकारको व्यवसाय सञ्चालन गर्ने सोचका लागि आईडीया लिन कतिपय मानिसहरू आउनुहुन्छ । मैले जानेको कुरा सिकाएर पठाउँछु ।’
गुरुङ समुदायको एक थरको नाम रहेछ ‘पुइमे’ । शुरूशुरूमा भन्न अप्ठ्यारो मान्ने पोखरेलीको लागि त्यहीँ नाम अहिले जिभ्रोमा झुण्डिएको छ । यही नाम ब्रान्ड बन्दै गएपछि पुइमेकै नामबाट बिरौटामा सहकारी पनि सञ्चालित छ । सो सहकारीमा उनी पहिले ऋण संयोजक भएर पनि काम गरे ।
गत भदौमा उमेरले ४० टेकेका ईश्वरलाई पहिलोपल्ट नेपालभूमि छोडेर जापान जाँदा त्यहाँको इमिग्रेसनले समातेको घटना खुब याद आउँदो रहेछ । ‘टुरिस्ट भिसामा गएको, २ दिनमै इमिग्रेसनले समातेर फर्कायो,’ उनले सम्झे, ‘पछि फेरि दुबई गएँ । त्यहाँ पनि १० महिना मात्र बसें । फर्केर आएँ । पुनः मकाउ गएँ । १ क्यासिनोमा सेक्युरिटी गार्ड भएर १ वर्षसम्म खटिएँ । दुःख खुबै भोगियो । अब नेपालमै केही गर्छु भनी फर्केको हुँ । एसएलसीपछि मोडलिङ हुँदै अहिले जे गरें सन्तुष्ट छु ।’
व्यवसायका सिलसिलामा चुनौती पनि उत्तिकै रहेको उनी सुनाउँछन् । उनको त्यस ठाउँमा रेस्टुरेन्ट चलेपछि अरुहरूले पनि सिको गर्दै त्यहीँ आसपासमा रेस्टुरेन्ट चलाउन थाले । अहिले ६ वटा थपिएका छन् । व्यावसायिक प्रतिस्पर्धासँगै खानाका परिकारमा गुणस्तर कायम गर्नु चुनौती छ । साथसाथै कोरोना महामारीले ५–६ महिनासम्म बन्द नै गर्नुपर्दा ठूलो नोक्सानी भयो । सरकारले पनि स्वदेशमै केही गर्न चाहनेलाई सहुलियत दरमा ऋण प्रवाहको व्यवस्था मिलाउनुपर्ने उनको जोड छ ।
कुराकानीको बिट मार्दै उनले भने, ‘ज्ञान र सीप नेपालमै सिँचित गर्छु भन्नेहरूलाई सरकारले लगानीको वातावरण मिलाउनुपर्छ । कम्तीमा ५–६ प्रतिशतमा ऋण दिनुपर्छ । अनि रोजगारी वृद्धि हुन्छ । विदेश पलायन रोकिने छ । देशले काँचुली फेर्नेेछ ।’
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...