प्रमुख प्रतिपक्षी दल नेपाली कांग्रेसले प्रधानमन्त्री केपी शर्मा ओलीको अभिव्यक्ति अत्यन्तै आपत्तिजनक रहेको बताएको छ ।

सोमवार कांग्रेसले एक विज्ञप्ति जारी गर्दै संसद विघटनको विरोध गर्नेहरू देश विरोधी हुन् भनेर प्रधानमन्त्री ओलीले अभिव्यक्ति दिनु अलोकतान्त्रिक भएको टिप्पणी गरेको हो । 

कांग्रेसका प्रवक्ता विश्व प्रकाश शर्माले जारी गरेको विज्ञप्तिमा ओलीको पछिल्लो अभिव्यक्तिले उनीभित्रको अधिनायक आकांक्षालाई थप उजागर गरेको बताइएको छ । 

कांग्रेसले अदालतमा भइरहेको बहसलाई ‘तमासा’को संज्ञा दिनुअदालतको स्वतन्त्रत कुण्ठित गर्ने प्रयत्न भएको समेत बताएको छ । 

आलोचक पत्रकारलाई नर्क जान्छन् भन्नु, प्रेस स्वतन्त्रता विरोधी अभिव्यक्ति हो भने पूर्व प्रधानन्यायाधीशहरूलाई ‘अजासु’ भन्नु अभिव्यक्ति स्वतन्त्रता विरुद्धको बर्बराहट हो, विज्ञप्तिमा भनिएको छ ।