नेपाल प्रहरीको प्रहरी निरीक्षक (इन्सपेक्टर) पदमा भर्नाका लागि मंसिर २८–३० गतेसम्म सञ्चालित लिखित परीक्षाको नतिजा सार्वजनिक भएको छ ।

नेपाल प्रहरीले एक सूचना प्रकाशित गर्दै उत्तीर्ण उम्मेदवारको विवरण प्रकाशित गरेको छ । लोक सेवा आयोगले लिखित परीक्षा लिएको थियो ।

उत्तीर्ण उम्मेदवारलाई फागुन १६ गते बिहान ९ बजे काठमाडौंको नेपाल प्रहरी अस्पताल महाराजगञ्जमा विशेष स्वास्थ्य परीक्षण परीक्षामा सहभागी हुन सूचित गरिएको छ ।

परीक्षामा सहभागी हुन आउँदा सक्कलै नागरिकता र प्रवेश–पत्र समेत साथ ल्याई आधा घण्टा अगावै उपस्थित हुन भनिएको छ ।