अविरल वर्षासँगै आएको बाढीका कारण सिन्धुपाल्चोकको हेलम्बु गाउँपालिकामा रहेको ईलाका प्रहरी कार्यालय हेलम्बु, मेलम्ची खोलामा मिसिएको छ । 

मंगलवार आएको बाढीले जोखिममा पारेको भवन शुक्रवार रातिको बाढीले खोलामा मिसाएको जिल्ला प्रशासन कार्यालय, सिन्धुपाल्चोकका सहायक प्रमुख जिल्ला अधिकारी बाबुराम खनालले लोकान्तरलाई जानकारी दिए । 

उनले भने, अस्तिको बाढीले भवन असुरक्षित भइसकेको अवस्था थियो, हिजो रातिको बाढीले त्यो खोलामा मिसिएको हो ।’

राति बाढी आएपनि अहिले बाढी कम भएको उनको भनाइ  छ । 

उनका अनुसार, अहिले घटनास्थलको मौसम केही धुम्म छ । उनले भने,‘अहिले यहाँ पानी परेको पनि छैन र घाम पनि लागेको छैन । यद्यपी बाढी कम हुँदा जोखिम कम भएको महशुस भएको छ ।’