साहित्यतर्फको नोबेल पुरस्कार अब्दुलरजाक गुरनाहलाई

साहित्यतर्फको नोबेल पुरस्कार अब्दुलरजाक गुरनाहलाई

साहित्यतर्फ यस वर्षको नोबेल पुरस्कार तान्जानियामा जन्मेर बेलायतमा बसोबास गर्ने अब्दुलरजाक गुरनाहलाई दिने घोषणा बिहीवार गरिएको छ ।


Advertisement

उपनिवेशवादको असर तथा संस्कृति र महादेशहरूबीचको खाडलमा शरणार्थीको भाग्यको इमान्दार तथा सहानुभूतिशील चित्रण गरेकोमा गुरनाहलाई पुरस्कार दिइएको नोबेल एकेडमीले जनाएको छ । 


Advertisement

गुरनाहका १० वटा उपन्यास र अनेकौं कथाहरू प्रकाशित छन् । शरणार्थीको समस्या उनका सबै कृतिमा भेटिन्छ । उनले इंग्ल्यान्डमा २१ वर्षको उमेरमा निर्वासनमा छँदा लेख्न थालेका थिए । स्वाहिली उनको मातृभाषा भए पनि अंग्रेजी उनको साहित्यिक भाषा बन्यो । 

गुरनाहको चौथो उपन्यास प्याराडाइज सन् १९९४ मा प्रकाशित भएको थियो र त्यसले उनलाई पहिचान दिलायो । यो एक उदास प्रेमकथा हो जसमा विभिन्न विश्व र विश्वास प्रणालीहरू जुधेका छन् । 


Advertisement

सन् १८४८ मा जन्जिबार टापुमा जन्मेका गुरनाह शरणार्थीका रूपमा सन् १९६० को दशकको अन्त्यतिर बेलायत आएका थिए । उनी केही समयअघि मात्र केन्ट विश्वविद्यालयमा अंग्रेजीका प्राध्यापक थिए ।
 

एजेन्सी
एजेन्सी

लेखकबाट थप...

कमेन्ट गर्नुहोस्