हिरासतभित्र मृत्यु प्रकरणमा गृहले बनायो छानबिन समिति

हिरासतभित्र मृत्यु प्रकरणमा गृहले बनायो छानबिन समिति

गृह मन्त्रालयले हिरासतभित्र भएका मृत्युका घटनाका अनुसन्धान गर्न सहसचिव थानेश्वर गौतमको संयोजकत्वमा छानबिन समिति गठन गरेको छ ।


Advertisement

कारागारमा र प्रहरी हिरासतमा रहेका व्यक्तिको मृत्यु प्रकरणमा सत्यतथ्य छानबिन गरी भविष्यमा त्यस्ता घटना हुन नदिन तथा कारागार व्यवस्थापनमा गर्नुपर्ने सुधारका सम्बन्धमा सुझाव पेश गर्ने गरी समिति गठन गरिएको हो ।


Advertisement

छानबिन समितिले असोज २४ गते जिल्ला प्रहरी कार्यालय सुनसरीको हिरासतमा रहेका एक व्यक्ति, असोज २५ गते कैलालीको टीकापुर इलाका प्रहरी कार्यालयको हिरासतमा रहेका व्यक्ति र असोज २६ गते जिल्ला कारागार पर्वतमा रहेका एक बन्दीले आत्महत्या गरेको घटनाको सम्बन्धमा छानबिन गर्ने गृह मन्त्रालयले जनाएको छ ।

मन्त्रालयले आइतवार एक विज्ञप्ति जारी गरी २६ गते मुगुमा भएको सवारी दुर्घटनामा मृत्यु भएका ३२ जनाका परिवारका लागि सरकारबाट दिइने राहत तथा घाइतेको उपचार सहयोग रकम भुक्तानीका लागि प्रक्रिया आरम्भ भएको जनाएको छ । 


Advertisement

नेपालगञ्जबाट मुगु जाँदै गरेको भे१ख ३१६७ नम्बरको बस रारा नगरपालिका–७ तपने खोलामा दुर्घटना हुँदा ३२ जनाको मृत्यु भएको थियो । दुर्घटनामा १३ जना घाइते भएका थिए ।

सरकारले मृतकका परिवारलाई किरिया खर्चबापत २५ हजार र १ लाख रुपैयाँ आर्थिक सहायता दिने र घाइतेको उपचार गर्ने घोषणा गरेको थियो ।

कमेन्ट गर्नुहोस्