राष्ट्रिय जनमोर्चाका अध्यक्ष चित्रबहादुर केसीले वाम आन्दोलन फेरि एकजुट हुनुको विकल्प नरहेको बताएका छन् ।

नेकपा एमालेको १० औं राष्ट्रिय महाधिवेशन उद्घाटन समारोहलाई शुक्रवार चितवनमा सम्बोधन गर्दै अध्यक्ष केसीले यस्तो बताएका हुन् ।

'वाम आन्दोलनमा झगडा भए पनि फेरि पनि राष्ट्रका लागि, देशका लागि एकजुट हुनुको विकल्प छैन,' केसीले भने, 'विदेशीले त्यतिबेला हाम्रो घोक्रोमा हात लगाउँछन्, जतिबेला हामी झगडा गर्छौं ।'

उनले विश्वमा नै कम्युनिस्ट आन्दोलन छायाँमा परेका बेला नेपाली कम्युनिस्ट आन्दोलनमा तीतोपिरो देखिएको बताए । उनले तीतोपिरो बिर्सिएर अगाडि बढ्नुपर्ने बताए ।

'समस्या हुँदाहुँदै पनि नेपालको वाम आन्दोलन अगाडि बढिरहेको छ । यदि नेपालमा प्रजातान्त्रिक शक्तिहरू, वाम शक्तिहरू र वाम आन्दोलन यहाँसम्म आउने थिएन,' उनले भने ।