कात्तिक २२, २०८०
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मंसिर १३, २०७८
आइतवार दिउँसोसम्म पनि नेकपा एमालेको उपाध्यक्षको सम्भावित सूचीमा सुरेन्द्र पाण्डेको नाम थिएन ।
आइतवार मध्यराति शुरू भई सोमवार बिहानीपख केपी शर्मा ओलीले पदाधिकारीको सूची पढेपछि मात्र धेरैले पाण्डे उपाध्यक्षमा सुनिश्चित भएको थाहा पाए ।
नवौँ महाधिवेशनमा झिनो मतले महासचिवमा पराजित पाण्डेले दशौं महाधिवेशनमा त्यो भन्दा तलको पद नलिने बताउँदै आएका थिए ।
२०७१ सालमा भएको नवौँ महाधिवेशनमा पाण्डे ईश्वर पोखरेलसँग ६ भोटले पराजित भएका थिए । पाण्डेले यसपटक महासचिव बन्नका लागि जोडबल गरेका थिए ।
विगतमा माधव नेपालसँग निकट सम्बन्ध रहेर पनि पार्टी विभाजनमा साथ नदिएका पाण्डेलाई ओलीले एमालेमा कुनै न कुनै भूमिका दिन चाहिरहेका थिए । दशौं महाधिवेशन सम्पन्न गराउन भूमिका खेलेका तथा चितवनमा राम्रो जनाधार भएका पाण्डेलाई पदाधिकारीमा समेट्न ओलीले छलफल गरेका थिए ।
‘आइतवार दिउँसोसम्म उपाध्यक्षको सूचीमा पाण्डेको नाम थिएन, तर भीम रावलले जुनसुकै हालतमा अध्यक्षमा लड्ने अडान लिएपछि त्यो ठाउँ पाण्डेले रिप्लेस गर्नुभयो,’ एमालेको विश्वस्त स्रोतले लोकान्तरसँग भन्यो ।
आइतवार दिउँसोसम्म युवराज ज्ञवाली, अष्टलक्ष्मी शाक्य र रामबहादुर थापा मात्र उपाध्यक्षको सूचीमा थिए । उपाध्यक्षमा प्रस्तावित सुवास नेम्वाङ वरिष्ठ उपाध्यक्षको दाबी गरेर बसेका थिए भने विष्णु पौडेल महासचिवको अडानमा थिए ।
आइतवार भीम रावललाई मनाउन वरिष्ठ उपाध्यक्ष पद थप्ने विषयमा समेत छलफल भएको थियो । तर रावलले वरिष्ठ उपाध्यक्षमा समेत रुचि नदेखाएपछि थप गर्ने ‘च्याप्टर क्लोज’ भयो ।
ईश्वर पोखरेल र सुवास नेम्वाङबीच हानथापले गर्दा आइतवार वरिष्ठ उपाध्यक्ष पद खारेज गर्ने विषयमा समेत चर्चा चलेको थियो ।
वरिष्ठ उपाध्यक्ष पद खारेज भएको अवस्थामा ईश्वर पोखरेल उपाध्यक्षमै प्रस्तावित हुने र पाण्डे ‘रिङ आउट’ हुने खतरा थियो । ‘ओलीबाहेक अरूलाई नेता मान्दिनँ’ भनेका नेम्वाङ पार्टीको निर्देशन स्वीकार्ने भन्दै उपाध्यक्षमा बस्न राजी भए ।
११ औं महाधिवेशनमा अध्यक्षमा सघाउने शंकर पोखरेलको प्रस्तावपछि महासचिवको दाबी छाड्न पौडेल राजी भए । वरिष्ठ उपाध्यक्ष र महासचिवको पदमा कुरा मिलेपछि उपाध्यक्षमा व्यवस्थापन गर्न सजिलो भयो ।
उपाध्यक्षमै उम्मेदवारी दिने घोषणा गरिसकेका घनश्याम भुसाललाई उपाध्यक्षमा समेट्ने कि भन्ने विषयमा समेत छलफल भएको स्रोतले बतायो । भुसाललाई समेट्दा युवराज ज्ञवाली विस्थापित हुने खतरा थियो ।
उपाध्यक्षमा एक महिला अष्टलक्ष्मी शाक्य र पूर्वमाओवादी खेमाका रामबहादुर थपालाई ल्याउनु पर्ने ओलीलाई बाध्यता थियो ।
ज्ञवालीलाई अनुशासन आयोगको अध्यक्ष बनाउने विषयमा एमालेको संस्थापन पक्षमा करीब सहमति भएको थियो । तर, केशव बडाललाई व्यवस्थापन गर्न युवराज ज्ञवाली उपाध्यक्षमै समेटिए ।
बडाल यसअघि अनुशासन आयोगको अध्यक्षमा पराजित भएका थिए । अनुशासन आयोगको अध्यक्षको आश्वासन पाएका ज्ञवालीले कुनै पनि पदमा दाबी गरेका थिएनन् ।
माधव नेपालसँग अति नै घनिष्ट रहे पनि ज्ञवालीले पनि एमाले विभाजनमा माधव नेपाललाई साथ दिएनन् । लामो समयदेखिको क्रियाशीलता र अनुशासित छवि बनाएका ज्ञवालीले उपाध्यक्ष सुरक्षित गरे ।
उपाध्यक्षको आस गरेका लालबाबु पण्डित केन्द्रीय सदस्यमा सीमित भएपछि सबै कार्यकारी पद त्यागेको भन्दै सौराहाबाट काठमाडौं हिँडेका छन् । २०६३ सालमा अन्तरिम संविधान जारी भएपछि एमालेलाई मधेशविरोधी करार गर्दै मधेशका प्रभावशाली नेताहरूले एमाले छाड्दा लालबाबु पण्डितले जातीय राज्यको वकालत गर्नेहरूको प्रतिवाद गरेका थिए ।
माधव नेपालको कोटाबाट केपी ओली सरकारमा मन्त्री बनेका पण्डितले पनि पार्टी विभाजनमा साथ दिएनन् । रघुवीर महासेठलाई पदाधिकारीमा ल्याउँदा आफूलाई केन्द्रीय सदस्यमा सीमित गरेर ‘ह्युमिलेट’ गरिएको भन्दै पण्डितले केन्द्रीय सदस्य अस्वीकार गरेको उनी निकट एक प्रतिनिधिले बताए ।
पदाधिकारीमा नपरेका पण्डितलाई स्थायी कमिटीमा ल्याउने आश्वासन दिइएको छ । उता उपमहासचिव दाबी गरेकी विन्दा पाण्डे पनि केन्द्रीय सदस्यमा सीमित भएकी छन् ।
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...