राष्ट्रिय सभा सदस्य निर्वाचनका लागि लुम्बिनी प्रदेशमा सत्ता गठबन्धनका उम्मेदवारले मनोनयन दर्ता गराएका छन् । 

नेपाली कांग्रेस, नेकपा एकीकृत समाजवादी र राष्ट्रिय जनमोर्चाका तर्फबाट दलित, महिला र अन्य गरी तीन पदमा मनोनयन दर्ता गराएको प्रदेश निर्वाचन कार्यालय दाङले जनाएको छ । 

नेपाली कांग्रेसबाट बाँकेका युवराज शर्मा, नेकपा एकीकृत समाजवादीबाट पाल्पाकी राजेन्द्रलक्ष्मी गैरे, राष्ट्रिय जनमोर्चाबाट रुपन्देहीका तुलप्रसाद विश्वकर्माको मनोनयन दर्ता गराएका छन् ।

दाङ जिल्ला अदालत परिसरमा मनोनयन दर्ता गरिएको छ । मनोनयन दर्ता गराउन उम्मेदवारहरू पार्टीको झण्डासहित समर्थकसँग पुगेका थिए ।