प्रधानमन्त्री शेरबहादुर देउवाले राष्ट्रका नाममा शुक्रवार अपरान्ह सम्बोधन गर्दैछन् । 

प्रधानमन्त्री निवास बालुवाटारबाट देउवाले शुक्रवार दिउँसो सम्बोधन गर्न लागेका हुन् । दिउँसो ३ बजे सम्बोधन हुने प्रधानमन्त्रीको सचिवालयले जनाए पनि ४ बजेसम्म शुरू हुन सकेको छैन । 

सरकार गठन भएको ६ महिनापछि देउवाले पहिलो पटक राष्ट्रका नाममा सम्बोधन गर्न लागेका हुन् । गत असार २९ गते देउवा प्रधानमन्त्री नियुक्त भएका थिए ।

सरकारले ६ महिनामा गरेका उपलब्धि कोरोना महामारी नियन्त्रणमा सरकारले गरेका काम लगायत विषय सम्बोधनमा समेटिन लागेको प्रधानमन्त्रीको सचिवालयले जनाएको छ ।