पश्चिमी न्यून चापीय प्रणालीको प्रभाव स्वरुप भएको हिउँदे वर्षाका कारण देशका उच्च भागमा हिमपात भएको छ । 

बिहीवारर रातिदेखिको अविरल वर्षाका कारण काठमाडौं उपत्यका आसपासका क्षेत्रमा हिमपात भएको छ । काठमाडौंको चन्द्रागिरि, शिवपुरी क्षेत्रमा बाक्लो हिपमात भएको छ । 

यस्तै ललितपुरको फुल्चोकीमा पनि हिउँ परेको छ । काठमाडौंका चारैतिर डाँडामा हिउँ परेपछि उपत्यकामा चिसो बढेको छ । 

मौसम पूर्वानुमान महाशाखाका अनुसार काठमाडौंमा शुक्रवार बिहानको न्यूनतम तापक्रम ५ दशमलव ५ डिग्री सेल्सियस छ । 

चिसो अझ बढ्न सक्ने विभागले जनाएको छ । विभागले बिहान जारी गरेको मोसम पूर्वानुमान बुलेटिनमा शनिवार पनि पानी पर्ने जनाइएको छ ।