नेकपा एमालेनिकट युवासंघले सभामुख अग्निप्रसाद सापकोटाविरुद्ध काभ्रेमा कोलोझण्डा देखाएर प्रदर्शन गरेको छ ।

पदीय आचरणअनुसार काम नगरेको भन्दै युवा संघका कार्यकर्ताले सभामुख सापकोटालाई कालोझण्डा देखाएका हुन् । 

संघीय संसद सचिवालयले प्रदेश सभाका उपाध्यक्षहरूसँग आयोजना गरेको कार्यक्रम उद्घाटनमा जाने क्रममा बिहीवार सभामुखविरुद्ध एमाले कार्यकर्ताले कालोझण्डा देखाएका हुन् ।

पार्टीले कारवाही गरेका माधवकुमार नेपाललगायत १४ सांसदको पद खारेज नगरिदिएकोमा सभामुखविरुद्ध एमालेले संसदमा विरोध गर्दै आएको छ । 

अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) टेबुल गर्न आनाकानी गरेको भन्दै सरकारको नेतृत्वकर्ता दल नेपाली कांग्रेस पनि सापकोटाको भूमिकाप्रति असन्तुष्ट देखिएको छ ।