स्थानीय चुनाव चिह्न संघर्ष समितिले फागुन ८ गते बालुवाटारमा प्रदर्शन गर्ने भएको छ । स्थानीय निर्वाचनमा चुनाव चिह्न प्रयोगको असमान व्यवस्था खारेज गर्न माग गर्दै समितिले प्रदर्शन गर्ने जनाएको हो । 

यस्तै समितिले शुक्रवार राष्ट्रिय निर्वाचन आयोगलाई ज्ञापन पत्र बुझाएको छ । ३० राजनीतिक दलहरूको संघर्ष समितिको प्रतिनिधि मण्डलले आयोगका प्रमुख निर्वाचन आयुक्त दिनेशकुमार थपलियालाई ज्ञापन पत्र बुझाएको हो । 

स्थानीय निर्वाचनमा राष्ट्रिय मान्यता प्राप्त दलबाहेक अन्य राजनीतिक दलहरूले आफ्नो पार्टीको चुनाव चिह्न प्रयोग गर्न नपाउने कानूनी व्यवस्था विभेदकारी र अन्यायपूर्ण भएको समितिले जनाएको छ । 

एउटै संविधान र कानूनी प्रक्रिया पूरा गरी निर्वाचन आयोगमा दर्ता भएका दलहरूलाई अलग-अलग वर्गीकरण गरी राजनीतिमा राष्ट्रिय मान्यता दलहरूको सिन्डिकेट खडा गरेको समितिले ठहरसमेत गरेको छ । 

प्रमुख निर्वाचन आयुक्त थपलियाले आयोगको तर्फबाट ऐन संशोधनको लागि आवश्यक पहल गरिरहेको जानकारी संघर्ष समितिको प्रतिनिधि मण्डललाई गराएका थिए । 

यी हुन् समितिमा रहेका दलहरू

(१)      आमूल परिवर्तन मसिहा पार्टी 

(२)      उन्नत लोकतन्त्र पार्टी 

(३)      एकीकृत शक्ति नेपाल 

(४)      गान्धीवादी पार्टी नेपाल 

(५)      जनजागरण पार्टी नेपाल 

(६)      जनता समाजवादी पार्टी, नेपाल 

(७)     जनमत पार्टी (ज. पा.)  

(८)      जनसमाजवादी पार्टी नेपाल 

(९)      नेकपा (समाजवादी) 

(१०)    नेपाल आमा पार्टी 

(११)    नेपाल जनता पार्टी 

(१२)    नेपाल दलित पार्टी 

(१३)    नेपाल परिवार दल 

(१४)    नेपाल विवेकशील पार्टी 

(१५)    नेपाल सद्भावना पार्टी 

(१६)    नेपाल सङ्घीय समाजवादी पार्टी 

(१७)    नेपाल समाजवादी पार्टी 

(१८)    नेपाल समाजवादी पार्टी (लोहियावादी) 

(१९)    नेपाल सुशासन पार्टी 

(२०)    नेपाली काँग्रेस (वी. पी.) 

(२१)    नेपाली जनता दल 

(२२)    बहुजन एकता पार्टी नेपाल 

(२३)    बहुजन समाज पार्टी नेपाल 

(२४)    मौलिक जरोकिलो पार्टी 

(२५)    राष्ट्रिय जनमुखी पार्टी लोकतान्त्रिक 

(२६)    राष्ट्रिय प्रजातन्त्र पार्टी 

(२७)    विवेकशील साझा पार्टी 

(२८)    समाजवादी पार्टी नेपाल 

(२९)    सर्वदलीय सङ्घीय परिषद् 

(३०)    सामाजिक लोकतान्त्रिक पार्टी