अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) संसदमा टेबल गर्न सत्ता गठबन्धनमा सहमति भएपछि पनि कार्यव्यवस्था परामर्श समितिमा बैठकमा माओवादी र नेकपा एसले अत्तो थापेका छन् ।

आइतवार बसेको कार्यव्यवस्था परामर्श समितिको बैठकमा सरकारले एमसीसी टेबल गर्ने प्रस्ताव राखेपछि माओवादीले अन्य महत्त्वपूर्ण विधेयकहरू पनि अगाडि बढाउनुपर्ने अडान राखेको हो ।

बालुवाटारमा भएको सहमतिअनुसार कानून मन्त्री दिलेन्द्र बडुले एमसीसी टेबल गर्ने विषयलाई कार्यसूचीमा राख्न प्रस्ताव गरेका गरेका थिए ।

त्यसपछि धारणा राख्ने क्रममा माओवादीका प्रमुख सचेतक देव गुरुङले अन्य विधेयकहरू पनि अगाडि बढाउनुपर्ने अडान राखेका हुन् । नेकपा एसका सचेतक जीवनराम श्रेष्ठले पनि सोही अडान राखेका छन् । 

पौने १ बजेसम्म कार्यव्यवस्था परामर्श समितिको बैठकमा एमसीसी टेबल गर्ने सहमति जुट्न सकेको छैन ।

संसद् बैठक दिउँसो १ बजेका लागि बोलाइएको छ ।