लामो रस्साकस्सीपछि संसदमा पेश भयो एमसीसी

लामो रस्साकस्सीपछि अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) संसदमा पेश भएको छ ।

अर्थमन्त्रीका तर्फबाट सूचना तथा सञ्चारमन्त्री ज्ञानेन्द्रबहादुर कार्कीले संसद्को आइतवारको बैठकमा एमसीसी सम्झौता पेश गरेका हुन् ।

अर्थमन्त्री जनार्दन शर्माले एमसीसी पेश गर्न नमानेपछि उनका तर्फबाट सञ्चारमन्त्री कार्कीले पेश गरेका हुन् ।

कार्की अर्थमन्त्री छँदा एमसीसी सम्झौतामा हस्ताक्षर भएको थियो ।

केपी शर्मा ओली नेतृत्वको पूर्ववर्ती सरकारले एमसीसी सम्झौता संसद् सचिवालयमा दर्ता गराए पनि टेबल हुन सकेको थियो ।

सत्ता गठबन्धनको आइतवारको बैठकमा सहमति जुटेपछि एमसीसी टेबल गर्ने वातावरण बनेको हो ।

त्यसपछि बसेको कार्यव्यवस्था परामर्श समितिको बैठकले माओवादी केन्द्रका सांसदको लिखित असहमतिका बीच एमसीसीलाई कार्यसूचीमा समेटेको थियो ।

यद्यपि एमसीसी पेश हुँदै गर्दा माओवादीका सांसदले उठेर नाराबाजी गरेका छन् ।

एकीकृत समाजवादीका सम्मानित नेता झलनाथ खनालले भने वेलमै पुगेर नाराबाजी गरे ।