राप्रपा नेपालले अमेरिका र चीनलाई विश्वासमा लिएर एमसीसी कार्यान्वयन गर्न माग गरेको छ । 

अध्यक्ष कमल थापाको अध्यक्षतामा भएको पहिलो केन्द्रीय कार्यसमितिको बैठकले नेपाली जनतामा व्याप्त आशंकाको निराकरण तथा अमेरिका र चीनलाई विश्वासमा लिएर एमसीसी कार्यान्वयन गर्न सरकार तथा सबै राजनीतिक दलसँग आग्रह गरेको हो । 

राप्रपा नेपालले एमसीसी अनावश्यक विवादको बन्धक भएको पनि भनेको छ । 

‘विगत केही वर्षयता नेपालमा वाह्य शक्तिहरूको चलखेल र प्रभाव तीव्र रुपले बढ्दै गएको छ, नेपाल वाह्य शक्तिहरूको रणनीतिक प्रतिस्पर्धास्थल बन्न सक्ने खतरा देखिंदै छ,’ राप्रपा नेपालले निर्णय सार्वजनिक गर्दै भनेको छ, ‘यसको ज्वलन्त उदाहरण एमसीसी सम्बन्धी विवाद हो । प्रमुख राजनीतिक दलहरूको अकर्मण्यता र अदूरदर्शिताको परिणाम स्वरुप एमसीसी अनावश्यक विवादको बन्धक भएको छ ।’

एमसीसी सम्बन्धमा आमनेपाली जनतामा गम्भीर आशंका बढाएको भन्दै राप्रपा नेपालले एमसीसीबारे छिमेकी मित्रराष्ट्र चीन र अमेरिकाले व्यक्त गरेका चासो र चिन्ता गम्भीर रुपमा लिनुपर्ने पनि जनाएको छ । 

यस्तै बैठकले पार्टीको घोषणापत्र र विधान मस्यौदालाई परिमार्जन सहित पारित गरेको छ । घोषणापत्रमा सनातन वैदिक मूल्य, मान्यता र चिन्तनमा आधारित ‘सम्वद्र्धनवाद’ पार्टीको वैचारिक दर्शन हुने उल्लेख छ ।

यस्ता छन् पहिलो केन्द्रीय कार्य समितिको बैठकका निर्णयहरू:

१) बैठकले पार्टीको घोषणापत्र र विधान मस्यौदालाई परिमार्जन सहित पारित गरेको छ ।
२) बैठकले पारित गरेको घोषणापत्रमा सनातन वैदिक मुल्य, मान्यता र चिन्तनमा आधारित “सम्बद्र्धनवाद” पार्टीको वैचारिक दर्शन हुने उल्लेख छ । नेपालको भू-राजनीतिक अवस्थालाई दृष्टिगत गर्दै राप्रपा नेपालले “राष्ट्रियता” लाई सर्वोपरि साध्य बनाएको छ । राष्ट्रनिर्माता श्री ५ बडामहाराजाधिराज पृथ्वीनारायण शाहलाई आदर्श पुरुष तथा राष्ट्रनिर्माताको दिव्य उपदेशलाई राप्रपा नेपालले आफ्नो मार्गदर्शक सिद्धान्तको रुपमा स्वीकार गरेको छ । साथै,  समावेशी प्रजातन्त्र पार्टीको अपरिहार्य आधार हुने घोषणापत्रमा उल्लेख छ । 
३) बैठकले गत पन्ध्र वर्षको अभ्यास र अनुभवलाई दृष्टिगत गर्दै धर्मनिरपेक्षता विनाशर्त खारेज गरिनुपर्ने र संघीयताको वर्तमान स्वरुप र संरचनालाई परिवर्तन गर्नुपर्ने माग गरेको छ ।
४) बैठकले राष्ट्रको एकिकरण, प्रजातन्त्रको स्थापना र आधुनिकीकरणमा राजसंस्थाले पुर्‍याएको योगदानको उच्च मुल्यांकन र सम्मान गर्दै भविष्यमा राप्रपा नेपालको नीति जनता केन्द्रीत हुने तथा लोकतान्त्रिक हिन्दुराष्ट्र मुख्य कार्यनीति हुने निर्णय गरेको छ ।
५) बैठकले संविधान र संवैधानिक व्यवस्थासँग सहकार्य गर्दै सनातन धर्मसापेक्ष हिन्दुराष्ट्रको पुनःस्थापना तथा सुशासन र समृद्धिलाई पार्टीको भावी कार्यदिशा निर्धारण गरेको छ ।
६) विगत केही वर्षयता नेपालमा वाह्य शक्तिहरुको चलखेल र प्रभाव तीब्र रुपले बढ्दै गएको छ । नेपाल वाह्य शक्तिहरुको रणनीतिक प्रतिस्पर्धास्थल बन्नसक्ने खतरा देखिंदै छ । यसको ज्वलन्त उदाहरण एम.सी.सी. सम्बन्धी विवाद हो । प्रमुख राजनीतिक दलहरुको अकर्मण्यता र अदूरदर्शिताको परिणाम स्वरुप अमेरिकी अनुदान सहायता (एम.सी.सी.) अनावश्यक विवादको बन्धक भएको छ । फलतः एम.सी.सी. सम्बन्धमा आम नेपाली जनतामा गम्भिर आशंका बढाएको छ । साथै, एम.सी.सी. बारे छिमेकी मित्रराष्ट्र चीन र अमेरिकाले व्यक्त गरेका चासो र चिन्ता गम्भीर रुपमा लिनुपर्छ । त्यसर्थ, नेपाली जनतामा व्याप्त आशंकाको निराकरण तथा अमेरिका र चीन दुवैलाई विश्वासमा लिएर एम.सी.सी. कार्यान्वयन गर्न नेपाल सरकार तथा सम्बद्ध सबै राजनीतिक दलहरुसँग राप्रपा नेपाल आग्रह गर्दछ ।
७) छोटो समयमा पटक-पटक पेट्रोलियम पदार्थमा गरिएको मूल्यवृद्धिको राप्रपा नेपाल घोर भत्र्सना गर्दछ । साथै सर्वसाधारण जनतालाई परेको मर्कालाई ध्यानमा राख्दै मूल्यवृद्धि तत्काल फिर्ता लिन पनि जोडदार माग गर्दछ ।
८). स्थानीय निकायको निर्वाचनको तयारीको लागि  देहाय बमोजिम स्थानीय निकाय निर्वाचन परिचालन समिति गठन भएको छ ।
 
१. श्री सुशील कुमार श्रेष्ठ- संयोजक
२. श्री तेजकुमार कुरुम्वाङ्ग, पाँचथर-  सदस्य
३. श्री हरिकृष्ण श्रेष्ठ, सुनसरी-  सदस्य
४. श्री राम नरेश यादव, धनुषा-  सदस्य
५. श्री रामसुन्दर विष्ट, भक्तपुर-  सदस्य
६. श्री राजकुमार खड्का, काठमाडौं-  सदस्य
७. श्री खेमराज गौतम, बाँके-  सदस्य
८. श्री ईर्साद आलम, रुपन्देही-  सदस्य
९. श्री ईश्वर श्रेष्ठ, सुर्खेत-  सदस्य
१०.श्री ललित जोशी, कैलाली-  सदस्य
११. श्री सुशीला गिरी, काठमाडौं-  सदस्य
१२. श्री शिवकुमार बाँस्तोला, कास्की-  सदस्य
१३. श्री श्यामबहादुर खत्री, काठमाडौं-  सदस्य
१४. श्री सुजन अधिकारी, नुवाकोट-  सदस्य
१५. श्री दिनेशचन्द्र गुप्ता, कपिलवस्तु- सदस्य
१६. श्री चेतनाथ थापा, झापा- सदस्य
१७. श्री राजु नापित, भक्तपुर- सदस्य
१८. श्री दूर्योधन निरौला, सुनसरी- सदस्य
१५. श्री उज्वल पोखरेल, गोरखा-सदस्य सचिव
 

९) देहाय अनुसार स्थानीय निकाय निर्वाचन घोषणा पत्र तयारी समिति गठन भएको छ ।
१. सुरेश आचार्य,  संयोजक
२. माधव खत्री, भक्तपुर-  सदस्य 
३. ममता राई, झापा-  सदस्य
४. होमभक्त कुुरुम्वाङ, तेह्रथुम-  सदस्य
५. रमेश राज पन्त, नवलपरासी-  सदस्य
६. शशिरंजन यादव, महोत्तरी-  सदस्य
७. रामचन्द्र बाँनिया, झापा-  सदस्य

सल्लाहकार
डा. विष्णु भण्डारी -तनहुँ
डा. अरुण कुमार सिंह -धनुषा