नेकपा एकीकृत समाजवादीका वरिष्ठ नेता झलनाथ खनालले अमेरिकी आर्थिक सहयोग कार्यक्रम मिलेनियम च्यालेञ्ज कम्प्याक्ट (एमसीसी)का कारण सत्ता गठबन्धन भत्किने संकेत गरेका छन् । 

एमसीसीमा सहमति जुट्ने कुनै सम्भावना नरहेको उनले दाबी गरे । 

‘गठबन्धन आवश्यकता अनुसार बन्छन्, बिग्रन्छन्, यो अस्थायी कुरा हो, हामी देश र राष्ट्रहितको कुरा छाड्दैनौं,’ बिहीवार संसद् भवनबाट बाहिरिने क्रममा खनालले भने, ‘केही शक्ति विदेशीका सामु झुकेका छन्, एमसीसीमा कुरा मिल्दै मिल्दैन ।’

उनले गठबन्धन भत्किने र सरकार छाड्ने कुरा सामान्य रहेको बताए । 

‘सडक तात्ने मात्र होइन, आगो बोल्छ,’ पत्रकारले सोधेको एक प्रश्नको जवाफमा खनालले भने ।