व्याख्यात्मक टिप्पणीसहित आजै एमसीसी पारित गर्ने सत्ता गठबन्धनको निर्णय

सत्ता गठबन्धनले व्याख्यात्मक टिप्पणीसहित आजै एमसीसी पारित गर्ने निर्णय गरेको छ ।

प्रधानमन्त्री निवास बालुवाटारमा बसेको सत्ता गठबन्धनको बैठकले व्याख्यात्मक टिप्पणी राखेर आजै एमसीसी पारित गर्ने निर्णय गरेको कांग्रेस नेता रामचन्द्र पौडेलले जानकारी दिए ।

एमसीसी सैन्य गतिविधिको अंग हैन, इन्डो प्यासिफिक रणनीति अन्तर्गत पर्दैन भन्ने लगायतका विषय समावेश गरेर एमसीसी पारित गर्ने सहमति बनेको पौडेलले जानकारी दिए ।

यसअघि माओवादीका पूर्व स्थायी कमिटी सदस्यहरूको आजै बसेको बैठकले व्याख्यात्मक टिप्पणीसहित एमसीसी पारित गर्ने निर्णय गरेको थियो ।

यससँगै एमसीसी पारित हुने र तत्कालका लागि सत्ता गठबन्धन पनि नटुट्ने पक्का भएको छ ।