श्रम, रोजगार तथा सामाजिक सुरक्षामन्त्री कृष्णकुमार श्रेष्ठले १२ बुँदे व्याख्यात्मक घोषणाले एमसीसीको भ्रम हटेको बताएका छन् । 

तनहुँको भानु नगरपालिका–३ मा आज आयोजित कार्यक्रममा मन्त्री श्रेष्ठले एमसीसीका बारेमा जनतामाझ रहेको भ्रम व्याख्यात्मक घोषणाले हटाएको बताएका हुन् । 

यथास्थितिमा एमसीसी संसदबाट पारित गर्न नहुने पक्षमा नेकपा (एकीकृत समाजवादी) रहे पनि व्याख्यात्मक घोषणासहित पारित भएको विषयलाई अमेरिकाले पनि स्वीकार गरिसकेको बताए । 

विकासका लागि एमसिसी आवश्यक रहेको भन्दै श्रेष्ठले भने, …यो नेपालको हितमा छ, नेपालको विकासमा यसको समुचित प्रयोग गर्नुपर्छ ।Ú

जनताको सेवा र विकासका लागि नेकपा (एकीकृत समाजवादी) सदैव प्रतिबद्ध रहेको भन्दै श्रेष्ठले विकासको नेतृत्व आफ्नो पार्टीले गर्ने धारणा व्यक्त गरे । 

मन्त्री श्रेष्ठले एमसीसीका विषयमा एमालेले दोहोरो भूमिका देखाएको आरोप लगाए । …एमसीसी गलत छ भनेर विपक्षमा मत दिएको भए पनि हुन्थ्यो, तर एमालेले कुनै भूमिका निभाएन,Ú मन्त्री श्रेष्ठले भने ।