प्रधानन्यायाधीश चोलेन्द्रशमशेर जबराविरुद्ध प्रतिनिधि सभामा दर्ता भएको महाभियोग प्रस्ताव अगाडि बढाउन महाभियोग सिफारिश समिति गठन गर्न प्रमुख प्रतिपक्षी दल नेकपा एमाले सहमत भएको छ । एमालेले नाम पठाउने सहमति जनाएको संसद सचिवालय स्रोतले जानकारी दियो । 

एमाले प्रमुख सचेतक विशाल भट्टराईले सिफारिश समितिमा नाम पठाउने कि भन्ने विषयमा छलफल चलिरहेको बताए । ‘सचिवालयले नाम मागेको छ, महाभियोग सिफारिश समितिमा नाम पठाउनेबारे पार्टीमा छलफल भइरहेको छ, पठाउने सम्भावना छ,’ भट्टराईले लोकान्तरसँग भने । 

कांग्रेस र माओवादी केन्द्रले संसद सचिवालयलाई नाम उपलब्ध गराइसकेका छन् । लोसपाले एकवाल मियाको नाम टिपाएको छ । आइतवार बस्ने प्रतिनिधि सभा बैठकमा सभामुख अग्नि सापकोटाले महाभियोग सिफारिश समिति गठनको तयारी गरेका छन् ।