बलात्कारसम्बन्धी मुद्दामा अभिनेता पल शाहको पक्षमा वरिष्ठ अधिवक्ता लव मैनाली,  कमलामोहन वाग्ले र यदुनाथ खनालले बहस गरेका छन् । यस्तै अधिवक्ताहरु परशुराम गिरी, जगदिशचन्द्र पाण्डे, यज्ञ बहादुर राना,  भानुभक्त सुबेदी, गोकुल भण्डारी, सरिता थापा भण्डारी, माघब घिमिरे, रामचन्द्र (आर सी) गौतम र विपिन सुबेदीले बहस गरेका छन् । 

यसैगरी थुनछेक प्रयोजनार्थ नेपाल सरकारको तर्फबाट तनहुँ जिल्ला न्यायाधिवक्ता रामचन्द्र शर्मा एवं सहायक जिल्ला न्यायाधिवक्ता  विपिनराज तिवारीले बहस गरेका छन् । यस्तै  जाहेरवालाको तर्फबाट अधिवक्ताहरु एक नारायण गौतम,  मोहना अन्सारी,  शिवराज काफ्ले,  किशोर सापकोटा,  राधिका खतिवडा,  विमल प्रसाद लामिछाने र सरिता तिवारीले बहस गरेका छन् । 

बहसपछि जिल्ला अदालत तनहुँले शाहलाई पुर्पक्षका लागि जेल चलान गर्ने आएको भएको छ।  नाबालिग किशोरीले आफूमाथि बलात्कार भएको भन्दै जिल्ला अदालत तनहुँमा फगुन ११ गते जाहेरी दिएपछि कानुनी प्रक्रिया अघि बढेको थियो ।