प्रधानमन्त्री शेरबहादुर देउवाले बहुपक्षीय प्राविधिक तथा आर्थिक सहयोगका लागि बंगालको खाडी प्रयास (बिमस्टेक)लाई जोड्ने बलियो आधार बौद्ध दर्शन भएको बताएका छन् । 

बुधवार बिमस्टेकको पाचौं शिखर सम्मेलन भर्चुअल रुपमा सम्बोधन गर्दै उनले यस्तो बताएका हुन् ।

उनले गौतम बुद्धको जन्मस्थल लुम्बिनीलाई जोड्ने बुद्धिस्ट सर्किट चाँडै सञ्चालनमा ल्याउनुपर्ने बताएका छन् । 

यस्तै उनले दिगो विकासका कार्यक्रमहरू पनि कार्यान्वयनमा तीव्रता दिनुपर्ने बताए । 

‘जलवायु परिवर्तनका सम्बन्धमा पनि कडा कदम चाल्नुपर्छ,’ उनले भने ।