नेकपा एमालेका उपाध्यक्ष रामबहादुर थापा बादलले आगामी निर्वाचनबाट नेकपा एमाले बहुमतसहितको पहिलो पार्टी बन्ने दाबी गरेका छन् । एमालेको पक्षमा देशभर देखिएको जनलहर नै पहिलो दल बन्ने आधार भएको उनको भनाइ छ। 

प्रेस चौतारी नेपालले सोमवार धादिङमा आयोजना गरेको पत्रकार सम्मेलनमा उपाध्यक्ष थापाले एमालेले एक्लै बहुमत ल्याउने दाबी गरेका हुन् । ‘एमाले पहिलो नम्बर त अहिले पनि छ । अब बहुमतसहित पहिलो हुने लक्ष्य छ । हाम्रो विश्लेषणमा सम्भव छ । एमालेको पक्षमा देखिएको जनउभार यसको आधार हो,’ पत्रकारले सोधेको एक प्रश्नको जवाफमा उनले भने । 

उपाध्यक्ष थापाले देशको राजनीति दुई ध्रुवमा केन्द्रित भएको बताए । ‘एकातर्फ कांग्रेसको नेतृत्वमा दक्षिणपन्थी र  एमालेको नेतृत्वमा देशभक्त गठबन्धन छ । दुई वटा शक्तिको बीचम टक्कर भइराखेको छ,’ उनले भने । 

उपाध्यक्ष थापाले मतपत्रको सन्दर्भमा लिएको निर्णय हेर्दा निर्वाचन निष्पक्ष हुन्छ भन्नेमा आशंका पैदा भएको टिप्पणी गरे ।