नेपाली कांग्रेसका नेता डा. शेखर कोइरालाले तत्काल उम्मेदवार छनोट रोक्न गरेको परिपत्रको विषयमा आफूलाई थाहा नभएको बताएका छन् ।

बुधवार विराटनगर विमानस्थलमा कुराकानी गर्दै उनले उम्मेदवार छनोट के कारणले रोक्न भनियो भन्ने विषयमा आफू जानकार नभएको बताए ।

उनले स्थानीय आवश्यकताका आधारमा चुनावी गठबन्धन गर्ने समेत बताए ।

‘स्थानीय आवश्यकताका आधारमा चुनावी तालमेल गर्ने केन्द्रीय समितिले निर्णय गरेको छ,’ उनले भने, ‘केन्द्रबाटै गर्न खोजे विद्रोह हुन्छ ।’ नेता रामचन्द्र पौडेलको संयोजकत्वमा बनाइएको संयन्त्र ठीक भएको उनले बताए ।

उनले केन्द्रले गठबन्धन गर्दा हस्तक्षेप गरे सत्ता गठबन्धन पनि अप्ठ्यारोमा पर्ने समेत बताए । अर्थतन्त्र धेरै पहिलेदेखि आयातमुखी भएको कारण लामो समयदेखि समस्या आएको उनले बताए ।

उनले भागबण्डाको राजनीति नगर्ने बताए । सभापतिले न्यायोचित ढंगले सबैलाई समेट्नुहुन्छ भन्नेमा आफू विश्वस्त रहेको समेत उनले बताए ।