नेकपा एमालेले हेटौंडा उपमहानगरपालिकाको मेयर पदका लागि तीन जनालाई  सिफारिस गर्ने निर्णय गरेको छ ।

मंगलवार नेकपा एमाले संसदीय दलको कार्यालयमा पूर्व मुख्यमन्त्री डोरमणि पौडेलको नेतृत्वमा बसेको बैठकले बहालवाला मेयर हरिबहादुर महत, संविधान सभा सदस्य अनन्त पौडेल र गणेशकुमारी श्रेष्ठलाई सिफारिस गर्ने निर्णय गरेको हो ।

सोमवार हेटौंडा उपमहानगर कमिटीको बैठकमा मेयर पदका लागि बहालवाला मेयर महत, एमाले केन्द्रीय सदस्य एवं मकवानपुर इन्चार्ज रामेश्वर राना, जिल्ला अध्यक्ष एकलाल श्रेष्ठ, केन्द्रीय सदस्य रघुनाथ खुलाल, अनन्त पौडेल, मदन दाहाल, ध्रुव चौलागाईं, विके महर्जन, गणेशकुमारी प्रधान गरी ९ जनाले आकांक्षा व्यक्त गरेका थिए । 

उपमेयरमा सुमित्रा काफ्ले, मेनुका दाहाल, सीता बिष्ट, प्रतिमा श्रेष्ठ, आरती पाठक, रमिला सापकोटा र इन्द्र नेपाल गरी ७ जनाको आकांक्षा व्यक्त गरेका थिए । 

तर, आज बसेको बैठकले उपमेयर पदका लागि सुमित्रा काफ्ले, आरती पाठक र ईन्द्रप्रसाद नेपालको नाम सिफारिस गर्ने निर्णय गरेको छ । उक्त सिफारिस प्रदेश हुँदै केन्द्रीय कमिटीमा पुग्नेछ ।