गृहमन्त्री बालकृष्ण खाणसँग नेपालका लागि भारतीय राजदूत विनय मोहन क्वात्राले शिष्टाचार भेटघाट गरेका छन् । 

पदोन्नति भएर विदेशसचिव बनेका क्वात्राले भारत जानुअघि मंगलवार गृहमन्त्री खाणसँग गृह मन्त्रालयमा बिदाइ भेट गरेका हुन् । 

भेटमा नेपाल र भारतबीचको सम्बन्ध अझ प्रगाढ बनाउने विषयमा छलफल भएको थियो । 

गृहमन्त्री खाणले भारतले नेपाललाई गर्दै आएको सहयोगको प्रशंसा गर्दै आगामी दिनमा यस्ता सहयोग निरन्तर रहनेमा आशावादी रहेको बताए । अहिले भारतीय सहयोगमा सञ्चालित योजनाबारे पनि भेटमा कुराकानी भएको थियो ।  

भेटमा राजदूत क्वात्राले नेपाल बसाइका क्रममा नेपाल सरकारबाट पाएको सहयोगका लागि धन्यवाद दिएका थिए ।