×

NMB BANK
NIC ASIA

गफमै सीमित विकास

विराटनगर चक्रपथ योजना : चुनावको मुखमा जुर्मुराउने, जितेपछि अलपत्र !

बैशाख ८, २०७९

NTC
Premier Steels

धेरै विकास निर्माणका काम–कुरा चुनावी घोषणापत्रमै सीमित हुने गरेका छन् । चुनावको मुखमा विकास निर्माणका कामले गति लिएजस्तो देखिने गर्छ ।

Muktinath Bank

१ नम्बर प्रदेशको राजधानी समेत रहेको विराटनगरमा अघि सारिएको चक्रपथ निर्माण योजना त्यस्तै भएको छ ।


Advertisment
RMC TANSEN
IME BANK INNEWS
shivam ISLAND

चुनाव आउँदा चक्रपथको मुद्दा चर्किने र अरु बेला सुस्ताउने चक्रले निरन्तरता पाउँदा विराटनगरको चक्रपथ अढाइ दशकयता अलपत्र छ । 


Advertisment
Nabil box
Kumari

अढाइ दशक पहिले निर्माण शुरू गरिएको विराटनगरको चक्रपथ (रिङरोड) को हालसम्म ट्रयाक खोल्ने काम समेत सकिएको छैन । ४२ किलोमिटर लामो रिङरोड कसले बनाउने भनेर मुख ताक्दाताक्दै काम अलपत्र परेको छ । 

Vianet communication

तत्कालीन कटहरी, भाथीगछ, हात्तीमुडा र झोराहाट गाविसलाई छुँदै विराटनगरलाई चारैतर्फबाट घेर्ने उद्देश्यले २०५४ सालमा चक्रपथको शिलान्यास भएको थियो । 

करीब २ किलोमिटर क्षेत्रमा रहेको मुआब्जा विवाद नटुंगिँदा ट्रयाक खोल्ने काम समेत पूरा भएको छैन । योजनाका लागि ४२ करोड ७० लाख ७७ हजार रुपैयाँ अनुमानित लागत तयार गरिएको थियो । 

विराटनगरको महत्त्वपूर्ण मानिएको चक्रपथ योजना चुनावका बेला मात्रै जोडतोडले उठ्ने र अरूबेला सेलाउने गर्छ । चुनाव आउँदा घोषणापत्रमा मात्रै रिङरोड बन्ने गरेको स्थानीय सत्यनारायण चौधरीले बताए । चुनाव आउनै लाग्दा नेताहरू आएर आफूले जिते चक्रपथ बन्ने निश्चित रहेको भनेर आश्वासन दिने र जितेपछि बिर्सिने गरेका उनले बताए । 

‘चुनाव सकिएपछि योजना बारेको कुराकानी नै हराउँछ,’ चौधरी भन्छन्, ‘रिङरोड खाली भोट तान्ने माध्यम भएको छ ।’ २०७४ सालको स्थानीय निर्वाचनमा नेपाली कांग्रेसले आफ्नो घोषणापत्रमै चक्रपथ बनाउने उल्लेख गरेको थियो । तत्कालीन विराटनगर उपमहानगरपालिकाले चासो दिए पनि जनप्रतिनिधि आएपछि दोष लगाउने काम मात्रै भएको छ । 

विराटनगर महानगरपालिकाका प्रमुख भीम पराजुली र उपप्रमुख इन्दिरा कार्कीले पहिलो कार्यकाल पूरा गर्दा चक्रपथमा ध्यान नै दिएनन् । बरु माथिल्ला सरकारलाई दोष लगाउँदै आफू उम्किने कोसिस गरिरहेका छन् ।

चक्रपथ निर्माणको काम प्रदेश सरकारको भएको विराटनगर महानगर उपप्रमुख इन्दिरा कार्की बताउँछिन् । विराटनगरको महत्त्वपूर्ण योजना भए पनि माथिल्ला सरकारले ध्यान नदिँदा निर्माणको कामले गति लिन नसकेको उनको आरोप छ ।  

सडक डिभिजन कार्यालय हुँदै भवन तथा शहरी विकास कार्यालय, तत्कालीन विराटनगर उपमहानगर र प्रदेश सरकारले केही काम गरेका छन् तर पछिल्लो समय योजनाको काम ठप्प छ । प्रदेश सरकार समेत चक्रपथ योजनाबाट पन्छिन थालेको छ ।

योजनाका नाममा हालसम्म करीब १ अर्ब रुपैयाँ खर्च भइसकेको छ । अहिले पनि मुआब्जा वितरण र जग्गा प्राप्तिमै योजना अल्झिरहेको छ ।

योजनाका लागि ट्रयाक खोल्ने र सडकको स्तरोन्नति गर्ने नाममा डिभिजन सडक कार्यालयले ३० करोड, शहरी विकास कार्यालयले ४० करोड, संघीय सरकारले १५ करोड, तत्कालीन विराटनगर उपमहानगरपालिकाले १० करोड र पछिल्लो पटक प्रदेश सरकारको पूर्वाधार विकास कार्यालयले ५ करोड रुपैयाँ विराटनगर चक्रपथको नाममा खर्च गरिसकेका छन् ।

प्रदेश सरकार मातहत चक्रपथ योजना सरेपछि ४ लेनको सडक निर्माण गर्ने गुरुयोजना तयार गरेर २ अर्ब ५० करोड अनुमानित बजेट तोकिएको थियो । २०५४ सालमा निर्माण शुरू गरिएको योजना २०७९ शुरू भइसक्दा ४२ किलोमिटरमध्ये ३७ किलोमिटरमा ट्रयाक खोल्ने काम भएको छ । ३ किलोमिटरमा २ लेनमा मात्रै कालोपत्रे भएको छ, त्यसका लागि मात्रै १ अर्बभन्दा बढी रकम खर्च भइसकेको छ ।

जग्गा प्राप्ति नहुँदा २ किलोमिटरमा ट्रयाक खोलिएकै छैन । बाँकी ३ किलोमिटरमा ट्रयाक खोल्न बजेट अभाव भएको भएको पूर्वाधार विकास कार्यालयले जनाएको छ । 

प्रदेश सरकार मातहतकै योजना भए पनि प्रदेश सरकारकै विभागीय मन्त्रीहरू नै आफ्नो योजना नभएको बताउँदै आएका छन् । विराटनगरको रिङरोड प्रदेश सरकार मातहतको नभएको पूर्वाधार विकास मन्त्री हिमाल कार्की बताउँछन् । उनले योजना संघीय सरकारको भएको दाबी गरे ।

विराटनगरको दरैयाबस्ती र ग्रामथानको झोराहाटमा ट्रयाक खोल्न जग्गा प्राप्ति नै हुन सकेको छैन । अघिल्ला चुनावमा ३ वटै तहको चुनावी घोषणा पत्रमा चक्रपथलाई सबैजसो दलले उच्च प्राथमिकता दिने बताएका थिए तर ३ वटै तहले ध्यान नदिँदा चक्रपथ कागजका पानामा धेरैपटक बनेको छ ।

वैशाख ३० गते हुने स्थानीय तहको चुनावका लागि सार्वजनिक हुने घोषणा पत्रमा समेत चक्रपथ योजना पक्का आउने नै छ । 

hAMROPATRO BELOW NEWS
TATA Below
माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

जब अख्तियारकै कर्मचारी मालदार अड्डामा सरुवा हुन्छन्…

जब अख्तियारकै कर्मचारी मालदार अड्डामा सरुवा हुन्छन्…

बैशाख १९, २०८१

२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...

उही खाट उही घाट

उही खाट उही घाट

बैशाख १५, २०८१

धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...

ओलीलाई फापेको सनराइज हल

ओलीलाई फापेको सनराइज हल

बैशाख १२, २०८१

ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...

x