स्थानीय तह निर्वाचनका लागि आइतवार उम्मेदवारी मनोनयन दर्ता गर्ने क्रम जारी छ । 

काठमाडौं महानगरपालिकामा पनि मेयर, उपमेयर, वडाध्यक्ष, सदस्यहरूमा उम्मेदवारी मनोनयन दर्ता भइरहेको छ । 

काठमाडौं महानगरपालिकाका प्रमुख निर्वाचन अधिकृत राजकुमार खतिवडाले मनोनयन दर्ताका लागि १८ वटा काउन्टर राखिएको जानकारी दिए । 

काठमाडौं महानगरको ३२ वटा वडा भएकाले उम्मेदवारी मनोनयनमा सहजताका लागि काउन्टरको संख्या बढाइएको उनको भनाइ छ । 

मेयर, उपमेयरको छुट्टाछुट्टै र एउटा काउन्टरमा दुई वटा वडाको उम्मेदवारी दर्ता भइरहेको उनले जानकारी दिए ।