नेपाली कांग्रेस र माओवादी केन्द्रले ललितपुरको ५ स्थानीय तहको सिट बाँडफाँट गरेको छ ।

नेपाली कांग्रेसका बागमति प्रदेश सभापति इन्द्रबहादुर बानियाँ र नेकपा माओवादी केन्द्रका बागमति प्रदेश अध्यक्ष सरल सहयात्रीले ५ स्थानीय तह बाँडफाँटमा सहमति गरेका हुन् । 

उनीहरुले गरेको सहमति अनुसार ललितपुरको गोदावरी नगरपालिकाको प्रमुख र उपप्रमुख नेपाली कांग्रेसको भागमा परेको छ । 

त्यसैगरी, महालक्ष्मी नगरपालिकाको प्रमुख माओवादी केन्द्र र उपप्रमुख नेपाली कांग्रेसले पाएको छ ।

कोन्ज्योसोम गाउँपालिकाको अध्यक्षमा माओवादी केन्द्रले उम्मेदवार उठाउने भएको छ भने उपाध्यक्ष कांग्रेसले पाएको छ । 

बागमति गाउँपालिकाको अध्यक्षमा कांग्रेसको उम्मेदवार हुनेछन् भने उपाध्यक्ष माओवादी केन्द्रले पाएको छ । 

महाकांल गाउँपालिकाको अध्यक्ष नेपाली कांग्रेसले पाउने भएको छ भने उपाध्यक्ष माओवादी केन्द्रको भागमा परेको छ ।

ललितपुर महानगरपालिकाको मेयर कांग्रेसले र उपमेयर माओवादीले पाउने गरी यसअघि नै सत्तारूढ गठबन्धनमा सहमति भइसकेको छ ।

ललितपुरको स्थानीय तहमा सत्तारूढ गठबन्धनको सहयात्री दल एकीकृत समाजवादीले भने कुनै पनि स्थानीय तहको प्रमुख–उपप्रमुख पाएको छैन ।