कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
बैशाख १८, २०७९
स्थानीय तह निर्वाचनमा परिवारकै सदस्यहरू समेत एकअर्काको प्रतिद्वन्द्वी बनेर चुनावी मैदानमा उत्रिएका छन् ।
बाँकेको नेपालगञ्ज उपमहानगरपालिका वडा नम्बर– १ मा सहोदर दाजुभाइ एउटै पदका लागि अलग–अलग पार्टीबाट चुनावी मैदानमा उत्रिएका छन् ।
नेपालगञ्ज वडा नम्बर १ को अध्यक्षमा नेकपा (एमाले)बाट प्रमोद रिजाल उम्मेदवार छन् भने नेपाली कांग्रेसबाट प्रमोदका सहोदर दाइ विनोद रिजाल उम्मेदवार बनेका छन् ।
यसै पनि चर्चामा रहेको नेपालगञ्जको निर्वाचनलाई दाजुभाइको भिडन्तले थप रोचक बनाएको छ । दाजुभाइ नै चुनावमा फरक–फरक पार्टीबाट उम्मेदवार बनेपछि परिवारका सदस्यहरू कसलाई ‘भोटिङ’ (मतदान) गर्ने भन्ने दोधारमा छन् ।
प्रमोद बहालवाला वडाध्यक्ष तथा नेपालगञ्ज उपमहानगरपालिकाका प्रवक्ता समेत हुन् । विनोदलाई अहिले कांग्रेसले टिकट दिएपछि उम्मेदवार बनेका हुन् ।
उनीहरू चार दाजुभाइ हुन् । विनोद जेठा, प्रमोद माइला, सुमोद साँइला र आमोद कान्छा हुन् । सुमोद शिक्षक र आमोद सहकारीको व्यवस्थापक छन् । दाजुहरू एकअर्का विरुद्ध उत्रिरहेकै बेला चार भाइमध्येका साँइला सुमोदलाई कसलाई भोट हाल्ने भन्ने धर्मसंकट परेको छ ।
भाइ सुमोदले लोकान्तरसँग भने, ‘दुई दाजुभाइले चुनावमा एकअर्काविरुद्व उम्मेदवारी दिएका छन् । कसलाई भोट हाल्ने ‘कन्फ्युजन’मा परेको छु । गोप्य मतदान हो । एउटालाई त हाल्नै पर्यो । अहिले नै यसलाई नै हाल्छु भन्न मिल्दैन ।’
प्रमोद र विनोद लामो समयदेखि फरक–फरक दलबाट राजनीतिमा होमिएका चर्चित जिल्ला नेताहरू हुन् । प्रमोद र विनोदकी आमा ६८ वर्षीया लक्ष्मीलाई कुन छोरालाई मतदान गर्ने सबैभन्दा अप्ठ्यारो छ ।
आमा लक्ष्मीसँग अहिलेसम्म दुवै भाइले भोट मागेका छैनन् । आमाका लागि छोराहरू बराबर हुन् । तर, मतदान गर्दा एउटालाई मात्र छान्नुपर्ने हुन्छ । त्यसैले उनी मतदानमै सहभागी नहुने कि भन्ने सोचमा पुगेको परिवार बताउँछ ।
चार भाइमध्ये प्रमोद, सुमोद र आमोद एउटै ‘बाउन्ड्री’भित्र छुट्टा–छुट्टै घर बनाएर बसेका छन् भने विनोद केही पर बस्छन् ।
दाजुभाइबीचको चुनावी प्रतिस्पर्धालाई सहज रूपमा लिनुपर्ने प्रमोद बताउँछन् ।
‘हामीले यसलाई सहज रूपमा लिनुपर्छ । दाइको फरक राजनीतिक पृष्ठभूमि, मेरो फरक राजनीतिक पृष्ठभूमि हो । हामीबीच स्वस्थ प्रतिष्पर्धा हुन्छ । जसले जित्छ, जित्छ ।’ गएको निर्वाचनमा प्रमोदले राष्ट्रिय प्रजातन्त्र पार्टी (राप्रपा) का उम्मेदवार बलराम सुनारलाई ३०० भन्दा बढी मतान्तरले जितेका थिए । प्रमोदको मत ८१७ थियो । त्यो वडामा कांग्रेस तेस्रो स्थानमा रहेको प्रमोद बताउँछन् ।
कार्यअनुभव र जनताको सुखदुःखमा जोडिँदै आएकाले यस पटक पनि आफूले चुनाव जित्ने प्रमोदको दाबी छ । एमालेले नेपालगञ्जको मेयरमा पशुपतिदयाल मिश्र र उपमेयरमा शक्ति ढकाललाई उम्मेदवार बनाएको छ ।
कांग्रेसबाट वडाध्यक्षको उम्मेदवार बनेका विनोद तरुण दलका जिल्ला सचिव हुन् । यसपटक गठबन्धनका उम्मेदवारले नेपालगञ्जको सबै क्षेत्र जित हात पार्ने विनोद बताउँछन् ।
‘आमालाई हामीले अप्ठ्यारोमा पार्दैनौं । यो राजनीतिक प्रतिस्पर्धा हो । जसले जितेपनि हामी दाजुभाइमा माया, प्रेम र स्नेहमा खटपट आउँदैन ।’
****
कपिलवस्तुको वाणगंगा नगरपालिका वडा नम्बर–७ मा सहोदर दुइुभाइ वडा अध्यक्षमा फरक–फरक पार्टीबाट उम्मेदवार बनेर चुनावमा होमिएका छन् ।
अहिलेका वडाध्यक्ष विष्णु गिरी एमालेबाट र विष्णुका सहोदर दाइ नेत्रज्योति गिरी जनता समाजवादी पार्टी (जसपा) बाट वडाध्यक्षको उम्मेदवार बनेका छन् ।
चुनावी प्रतिस्पर्धाले दाजुभाइबीच मनमुटाव शुरू भएको छ ।
नेत्र साविक मोतीपुर गाविसमा दुई कार्यकाल अध्यक्ष भएर काम गरेका व्यक्ति हुन् । अघिल्लोपटक (२०७४) मा विष्णुले दाइ नेत्रलाई वडाअध्यक्षमा उम्मेदवार बन्न आग्रह गरेका थिए । नेत्रले भाइलाई अगाडि सारे । तर, अहिले वडामा राम्रो काम गरेको भन्दै विष्णुलाई नै अगाडि बढाउने निर्णय एमालेले गर्यो ।
एमालेबाट टिकट नपाएपछि नेत्र एमाले छाडेर जसपा प्रवेश गरी उम्मेदवार बनेका हुन् । दाजुभाइबीचको चुनावी ‘टक्कर’ रोमाञ्चक हुन पुगेको स्थानीयहरू बताउँछन् ।
७ भाइमध्ये नेत्र माइलो र विष्णु साँइलो हुन् । नेत्र पञ्चायतकालमा वडाध्यक्ष र प्रजातन्त्र पुनःस्थापनापछि दुई कार्यकाल गाविस अध्यक्ष बनेका थिए । नेत्र मोतीपुर क्षेत्रमा लोकप्रिय छन् । भाइ विष्णु दाइले पार्टी परिवर्तन गरी उम्मेदवार बन्नु नैतिक हिसाबले ठीक नभएको बताउँछन् ।
‘दुई कार्यकाल अध्यक्ष भएको व्यक्ति पार्टी परिवर्तन गरेर उम्मेदवार बन्नु नैतिक हिसाबले पनि राम्रो भएन । उहाँलाई अघिल्लोपटक जिल्ला समन्वय समिति (जिसस) प्रमुखमा उम्मेदवार बनाइएको थियो । ३ मतले पराजित हुनुभएको थियो । अहिले आएर मविरूद्ध उम्मेदवारी दिनुभयो । ठीकै छ, जसले जित्छ, जित्छ ।’
यहाँ पनि आमा ८० वर्षीया हस्ता गिरी धर्म संकटमा छिन् ।
‘आमा दाइ (नेत्र)सँग बस्नुहुन्छ, उहाँलाई नै दिनुहोला । तर, वडामा जसपाको केही जनआधार नै छैन । चुनाव मैले नै जित्छु, त्यसमा कुनै समस्या छैन,’ विष्णुले भने ।
आर्थिक र राजनीतिक रूपमा आफू पीडित भएकाले वडाध्यक्षमा लड्ने सहमति भएको तर भाइ विष्णुले सहमति उल्लंघन गरेको नेत्रको आरोप छ ।
****
बाँकेकै कोहलपुर नगरपालिकामा पनि सहोदर दाजुभाइबीच प्रतिस्पर्धा हुने भएको छ ।
कोहलपुर– ३ को वडाध्यक्षमा दाजु ताराकेशर रिजाल र भाइ माधव रिजालबीच चुनावी प्रतिस्पर्धा हुने भएको हो ।
माधव २०७४ सालमा निर्वाचित वडाध्यक्ष हुन् भने दाजु ताराकेशर त्यतिबेला आफ्नै भाइसँग ६५ मतले पराजित भएका थिए ।
यसपालि पनि माधव एमालेबाट तथा ताराकेशर (माओवादी केन्द्र)बाट वडाध्यक्षमा भिड्दैछन् ।
उनीहरूकी आमालाई समेत कुन छोरा रोज्ने भन्ने धर्मसंकटको स्थिति दोहोरिएको स्थानीय बासिन्दा बताउँछन् ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...