कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
वडा तहसम्म गठबन्धन नभएपछि विराटनगर महानगरपालिकामा ५ दलीय गठबन्धनभित्र समस्या देखिएको छ ।
सत्तारुढ गठबन्धनको गाँठो खुकुलो हुँदै जान थालेपछि विद्रोह गरेर बाहिरिएकाहरूको मोर्चाबन्दी बलियो बन्दै गएको छ ।
आ–आफ्नो दल त्यागेर स्वतन्त्र रूपमा चुनावी मैदानमा होमिएका मेयर, उपमेयर, वडाध्यक्ष लगायत उम्मेदवारहरू एउटै चुनाव चिह्न रोज्नेदेखि एकअर्कालाई सघाउने तहसम्म सहकार्य गरिरहेका छन् । गठबन्धनमै रहेका माओवादी र नेकपा एकीकृत समाजवादी भने काग्रेससँग रुष्ट छन् । वडा तहसम्म कांग्रेसले गठबन्धन गर्न नमानेको भन्दै नेकपा माओवादी केन्द्र महानगर कमिटी सचिव नमिता न्यौपानेले उपमेयरमा उम्मेदवारी दिएकी छन् ।
जनता समाजवादी पार्टी परित्याग गरेर उमेश यादवले मेयरमा उम्मेदवारी दिएका छन् । ५ दलीय सत्ता गठबन्धनका दलहरू त्यागेको घोषणा गरेर स्वतन्त्र उम्मेदवारी दिएकाहरूलाई महानगरमा गठबन्धनकै बागी उम्मेदवार भन्ने गरिएको छ ।
बागी उम्मेदवारहरू गठबन्धनका लागि टाउको दुखाइ बनेका छन् । महानगरमा सत्तारुढ गठबन्धनबाट मेयरमा कांग्रेसका नागेश कोइराला र उपमेयरमा जसपाका अमरेन्द्र यादव उम्मेदवार छन् । प्रमुख र उप्रमुखमा गठबन्धन भए पनि महानगरको वडामा सबैको छुट्टाछुट्टै उम्मेदवारी छ । वडामा भागबण्डा गर्न कांग्रेस तयार नभएको भन्दै माओवादी, जनता समाजवादी पार्टी, नेकपा एकीकृत समाजवादी लगायतका दलले आ–आफ्नो उम्मेदवार उठाएका छन् ।
कांग्रेस विराटनगर सभापति दिपक चापागाईले महानगरका वडामा कांग्रेसले कसैसँग तालमेल नगर्ने भनेर प्रस्ट पारेको बताए । उनले केन्द्रको गठबन्धन अनुसार गठबन्धनमा रहेका दलहरूले मतदान गर्नुपर्ने बताए ।
गठबन्धनका मुख्य २ घटक माओवादी केन्द्र र नेकपा एकीकृत समाजवादी मेयर/उपमेयरमा आफ्नो उम्मेदवार नभएको र वडामा गठबन्धन नभएको भन्दै कांग्रेससँग रुष्ट छन् । गठबन्धन भए पनि गठबन्धन भित्रका दलहरूले संयुक्त चुनावी अभियान समेत सञ्चालन गर्न सकेका छैनन् । कांग्रेसले मेयर र जसपा उपमेयरसहित वडा उम्मेदवारका लागि भोट मागिरहेको छ । माओवादी र नेकपा एकीकृत समाजवादी भने वडाका उम्मेदवारका लागि भोट मागिरहेका छन् ।
‘कांग्रेसले सँगै चुनावी अभियानमा बोलाएको छैन,’ माओवादी केन्द्रका एक नेताले भने, ‘कांग्रेस र जसपाले नखोजे पछि हामी आफैं गएर खोज्ने कुरा पनि भएन ।’ एकीकृत समाजवादीका एक नेता पनि कांग्रेसको दम्भले समस्या आएको बताउँछन् ।
गठबन्धनबाट मेयरको उम्मेदवार बनेका कांग्रेसका नागेश कोइराला चुनावी अभियानमा कांग्रेस कार्यकर्ता मात्रै लिएर हिँडिरहेका छन् । प्रतिबद्धतापत्र पनि एक्लै बनाएर सार्वजनिक गरेका छन् । उपमेयर उम्मेदवार रहेका जसपा अध्यक्ष उपेन्द्र यादवपुत्र अमरेन्द्र पनि जसपाको मात्रै सहयोग लिएर घरदैलो अभियानमा छन् ।
जनता समाजवादी पार्टी त्यागेको घोषणा गरेर मेयरका उम्मेदवार बनेका उमेश यादव र माओवादी केन्द्रबाट राजीनामा बुझाएर उपमेयरको उम्मेदवार बनेकी नमिता न्यौपाने सहितका स्वतन्त्रहरू एउटै चुनाव चिह्नसहित चुनावी मैदानमा होमिएका छन् ।
सार्वजनिक रूपमा उनीहरूले मोर्चाबन्दी गरेको घोषणा नगरे पनि चुनावी अभियान अघि बढ्दै जाँदा उनीहरू सहकार्य गर्ने तहमा पुगेका छन् । गत चुनावमा मेयर र उपमेयरका प्रत्यासी रहेका उमेश र नमिता यसपटकको चुनावमा पनि सहकार्य गर्ने तहमा पुगेका छन् ।
स्वतन्त्रहरूबीच आपसमा सघाउने सहमति भई नसके पनि त्यो सम्भावना जीवितै रहेको यादव बताउँछन् । विराटनगरमा गठबन्धनभित्र पनि महागठबन्धन हुने आकलन गर्न थालिएको छ ।
महानगरमा अब त्रिपक्षीय प्रतिस्पर्धाको अवस्था आएको छ । गठबन्धनबाट नागेश–अमरेन्द्रको जोडी, नेकपा एमालेबाट मेयरमा सागर थापा र उपमेयरमा शिल्पा कार्की अनि स्वतन्त्रबाट उमेश र नमिता न्यौपानेको टीमले महानगरमा प्रतिस्पर्धा गर्नेछ ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...