भारतको अल्लाहाबाद उच्च अदालतको लखनउ इजलासले ताजमहलभित्र हिन्दू देवीदेवताका मूर्ति रहे नरहेको पत्ता लगाउन दायर मुद्दामा अदालत प्रवेश गर्न नमिल्ने फैसला गरेको छ । 

‘अदालत प्रवेश गर्न नमिल्ने विषयमा फैसला दिन निवेदकले हामीलाई अनुरोध गरेका छन्,’ इजलास निवेदनमाथिको सुनुवाइपछि बतायो । 

निवेदनमा ताजमहलका २२ वटा बन्द ढोका खोल्नुपर्ने र भित्र हिन्दू देवीदेवताका मूर्ति छन् कि छैनन् सुनिश्चित गर्न भारतको पुरातात्त्विक विभागलाई अनुमति दिनुपर्ने मागदाबी गरिएको थियो । 

तथ्य खोज्ने एक समिति र पुरातात्त्विक विभागको प्रतिवेदन पनि निवेदनमा मागिएको थियो ।

‘त्यस विषयमा यस अदालतले कुनै फैसला दिन मिल्दैन,’ इजलासले बतायो । 

ताजमहलका बन्द ढोकाहरू खोल्न दिइएको निवेदनमा आश्वस्त हुन नसकेको पनि इजलासले बताएको छ ।

‘भोलि तपाईंले न्यायाधीशको च्याम्बरभित्र के छ भनेर ढोका खोल्नका लागि निवेदन दिनुहोला, अनि खोल्ने’ भनेर इजलासले निवेदकलाई प्रश्न समेत सोधेको छ ।