झापा हल्दिबारी गाउँपालिका अध्यक्षमा राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनका भाइ रविन्द्रप्रसाद लिङदेन जित नजिक पुगेका छन् ।

राप्रपाका लिङदेन नेकपा एमालेका उम्मेदवार डम्बरबहादुर गिरीभन्दा करिब दोब्बर मतले अगाडि छन् । गिरीले १२५४ मत पाउँदा रविन्द्रले २१८२ मत पाएका छन् ।

यो गाउँपालिकामा अब एउटा वडाको मात्रै मत गणना गर्न बाँकी रहेको छ । उक्त मत गणना पनि अन्तिम चरणमा पुगेको लिङदेनले फराकिलो मतअन्तर बनाएर अगाडि बढेको हल्दिबारी गाउँपालिकाका निर्वाचन अधिकृत नारायणप्रसाद भट्टराइले बताए ।