नेपाल क्रिकेट संघ (क्यान)ले फ्रेन्चाइज क्रिकेट प्रतियोगिता नेपाल टी-ट्वान्टी लीगको घोषणा गरेको छ ।

क्यानले बुधबार पत्रकार सम्मेलन गर्दै पहिलो संस्करणको नेपाल टी-ट्वान्टी लीगको औपचारिक रुपमा घोषणा गरेको हो।

युवा तथा खेलकुद मन्त्री महेश्वर जंग गहतराजले प्रतियोगिताको औपचारिक घोषणा गरेका हुन्। कार्यक्रममा बोल्दै मन्त्री गहतराजले भने, 'नेपालको क्रिकेटले नया कोर्ष समात्दैछ, हाम्रो देश खेलको लागी उर्वर पनि भूमी हो, त्यसैले यस क्षेत्रमा निजी क्षेत्रको साझेदारी अति आवश्यक छ' मन्त्रीले भने। 

प्रतियोगिता असोज ८ गतेबाट शुरू हुनेछ । त्रिभुवन विश्वविद्यालयको क्रिकेट मैदानमा आयोजना हुने प्रतियोगिताको फाइनल कात्तिक ५ गते हुनेछ । प्रतियोगितामा ६ टोलीको सहभागिता रहने क्यानले जनाएको छ । 

प्रतियोगिताको कमर्सियल र रणनीतिक साझेदार भारतीय कम्पनी सेभेन थ्री स्पोर्टस रहेको छ । उक्त कम्पनीसंग क्यानले ८ वर्षको लागी ३३ करोडको सम्झौता गरेको छ।   

नेपाल टी-ट्वान्टी लिगको घोषणापछि बोल्दै क्यानका अध्यक्ष चतुरबहादुर चन्दले प्रतियोगिताले पर्यटकीय र व्यवसायिक रूपमा नेपाली क्रिकेटले फड्को मार्ने विश्वास रहेको बताए ।