०१ साउन २०८३, शुक्रबार
सिराहाको धनगढीमाई नगरपालिकामा नेकपा एमालेले जीत हात पारेको छ ।
यस नगरपालिकामा एमालेका शिव शंकर महतोले ७ हजार ५६ मतसहित मेयर पदम निर्वाचित भएका हुन् ।
उनका निकटतम प्रतिद्वन्द्वी नेपाली कांग्रेसका रामचन्द्र यादवले ६ हजार ९०१ मत ल्याएर पराजित भए ।
सो नगरपालिकामा एमाले, कांग्रेस, माओवादी केन्द्र, नेकपा एकीकृत समाजवादी लगायतका दलहरू एक्लाएक्लै चुनावी मैदानमा होमिएका थिए ।
पालिकाको उपप्रमुखमा नेपाली कांग्रेसकी संगीता कुमारी चौधरी ६ हजार ६१३ मतसहित निर्वाचित भइन् ।
उनका निकटतम प्रतिद्वन्द्वी एमालेका शोभाकुमारी वराल ६ हजार ३७८ मत सहित पराजित भइन् ।
