तारा एयरको ट्वीनअटर विमान दुर्घटना भएको ठाउँमा सशस्त्र प्रहरी बलले शव संकलन गरिरहेको छ । 

आइतवार हराएको तारा एयर आज बिहान मुस्ताङको मानापाथी हिमालको फेँदमा फेला परेको थियो । अहिले सशस्त्र प्रहरी, नेपाली सेना, नेपाल प्रहरी र स्थानीयले शव संकलन गरिरहेका छन् । 

आइतवार पोखराबाट जोमसोमका लागि उडेको जहाज दुर्घटनामा परेको थियो । दिनभर विमानको अवस्था पत्ता लगाउन खोजीकार्य जारी राखिए पनि सोमवार मात्रै स्थान लोकेट भएको थियो । विमानमा १९ यात्रु र चालक दलका ३ सदस्य सवार थिए ।

मुस्ताङका प्रमुख जिल्ला अधिकारी नेत्र प्रसाद शर्माका अनुसार थाङसाङ–२ मुस्ताङमा दुर्घटनाग्रस्त अवस्थामा विमान भेटिएको हो । विमान दुक्राटुक्रा भएको अवस्थामा फेला परेको छ ।