अर्थमन्त्री जनार्दन शर्माले बजेट पूर्वाधारको पाटो मात्रै नभएर देश विकासको पनि पाटो भएको बताएका छन् । 

आर्थिक वर्ष २०७९/८० को बजेटका सम्बन्धमा आयोजित पत्रकार सम्म्मेलनमा उनले यस्तो बताएका हुन् । 

‘धेरैलाई आ-आफ्नो गाउँको बाटो पर्‍यो कि परेन भन्ने छ, तर बजेट देशकै विकासको पाटो हो नि,’ उनले भने । 

बजेटलाई अन्तर्राष्ट्रियरूपमा विकसित भएको प्राविधिक र आयातको अवस्था, मुद्रा स्फीतिसहितलाई ध्यान दिएर बजेट बनाइएको मन्त्री शर्माले बताए । 

बजेट कार्यान्वयनका लागि कर्मचारी, निजी क्षेत्रसहित पत्रकार सबैको पनि प्रतिबद्धता चाहिने उनको भनाइ छ । 

‘यो बजेट गरीब किसान, आमनेपाली सबैको हो,’ उनले भने, ‘त्यहीअनुसार बजेट कार्यान्वन गर्नुपर्ने हुन्छ ।’