रुपन्देहीको तिलोत्तमा नगरपालिकाको कार्यपालिकामा सबै नेकपा एमालेका उम्मेदवारहरू विजयी भएका छन् ।

बुधवार भएको निर्वाचनमा कार्यपालिका सदस्य पदमा एमालेका उम्मेदवार विजयी भएका छन् । 

तिलोत्तमाका नगर प्रमुखसहित ९ वडाध्यक्ष र ३२ वडा सदस्य गरी ४२ जनप्रतिनिधि जितेको सत्ता गठबन्धन कार्यपालिका निर्वाचनपछि अल्पमतमा परेको छ भने उपप्रमुखसहित ८ वडाध्यक्ष र ३६ वडा सदस्य जितेको एमाले कार्यपालिकामा बलियो देखिएको छ ।

बुधवारको निर्वाचनमा एमालेका सुरेन्द्र श्री विश्वकर्मा, राधा शाही ठकुरी, लक्ष्मी घले, सावित्रा आचार्य, नरबहादुर छन्तेल, रवि सेन्चुरी, तारा सुनार, देवकी चौधरी निर्वाचित भएका छन् ।

तिलोत्तमा नगरको २७ सदस्यीय कार्यपालिकामा नेकपा एमालेले १७ सदस्य हात पारेको छ भने सत्ता गठबन्धन १० सदस्यमा सीमित भएको छ । यसैगरी ९० सदस्यीय नगर सभामा एमालेको ४८ मतका साथ बहुमतमा रहेको र गठबन्धनका ४२ सदस्य रहेका एमाले नेता सुरेन्द्र श्रीले बताए ।