नेकपा एसका मन्त्रीहरू बदलिने भएपछि प्रतिनिधि सभाको सोमवारको बैठकको कार्यसूची फेरिएको छ ।

विनियोजन विधेयक (बजेट) माथि मन्त्रालयगत छलफल गर्ने गरी ७ मन्त्रालयको विषयगत छलफल गर्ने कार्यसूची रहेकोमा नेकपा एसले सम्हालेका मन्त्रालयको छलफल सूचीबाट हटाइएको छ । 

सम्भावित कार्यसूचीमा शहरी विकास, श्रम र कानून मन्त्रालय समेत समावेश भएकोमा ती मन्त्रालयमाथिको छलफल आजको सूचीबाट हटाइएको हो ।

कानून, युवा खेलकुद, भूमि र महिला मन्त्रालय अन्तर्गत विनियोजित शीर्षकमाथि आज छलफल हुनेछ । 

नेकपा एसले शहरी विकास मन्त्री रामकुमारी झाँक्री, पर्यटन मन्त्री प्रेम आले, श्रम मन्त्री कृष्णकुमार श्रेष्ठ र स्वास्थ्य मन्त्री विरोध खतिवडालाई फिर्ता बोलाउने निर्णय गरेको छ ।