काठमाडौं । कलाकारहरु तीज गीतको तयारीमा जुटिसकेका छन् । तीज आउँन झण्डै तीन महिना बाँकी रहँदा कलाकारहरुले अहिल्यैदेखि तयारी शुरू गरेका हुन् । 

यस वर्षका लागि थुप्रै तीज गीत रेकर्ड भइसकेका छन् भने भिडियो छायाँकनको काम पनि शुरू भएको छ । 

यस्तैमा, लोकदोहोरीकी लोकप्रिय मोडल अञ्जली अधिकारीले तीज गीतको काम शुरू गरेकी छिन् । 

उनले आइतवार बुटवल पुगेर तीज गीतमा अभिनय गरेकी छिन् । 

अञ्जली तीज गीतका लागि पनि सर्वाधिक खोजिने मोडलमा पर्छिन् । 

उनले हरेक वर्ष दर्जनौं तीज गीतमा अभिनय गर्दै आएकी छिन् । बुटवलमा उनले मनिष पन्थको निर्देशनमा तीज गीतमा अभिनय गरेकी हुन् । 

पन्थ लामो समयदेखि बुटवललाई कर्मथलो बनाएर निर्देशनमा सक्रिय निर्देशक हुन् ।

फिचर फिल्मसमेत निर्देशन गरिसकेका उनी भिडियो छायाँकन र सम्पादनमा समेत सक्रिय छन् । 

तेज प्रसाद पाण्डेको शब्द एवं संगीत, सुजाता पाण्डेको स्वर रहेको तीज गीतमा लोकेन्द्र शाहको नृत्य निर्देशन रहेको निर्देशक मनिषले जानकारी दिए । 

हेर्नुहोस् गीतको भिडियो छायाँकनका केही तस्वीरहरू 

तस्‍वीर सौजन्य : मनिष पन्थ