बर्दियामा प्रहरीसँगको झडपमा एक सर्वसाधारणको मृत्यु लागेको छ । बाघको आक्रमणबाट एक महिला घाइते भएपछि बाघलाई नियन्त्रणमा लिइनुपर्ने माग राखेर भएको आन्दोलनका क्रममा प्रहरीले गोली चलाएको बताइएको छ । 
मृत्यु हुनेमा जिल्लाको मधुवन नगरपालिका –२ की  १८ वर्षीया नविना थारू रहेकी छन् । घटना  मधुवन नगरपालिका स्थित ओराली बजारमा भएको हो । प्रदर्शनका क्रममा झडप हुँदा प्रहरीले गोली चलाउन पुगेको थियो । 

बर्दियाका प्रमुख जिल्ला अकिारी बन्धु प्रसाद बास्तोलाले थारुको मृत्यु भएपनि गोली नै लागे नलागेको विषयमा भने पोर्टमार्टम रिपोर्टपछि थाहा हुने बताए । यद्यपी झडपको क्रममा गोली भने चलेको उनले स्वीकारेका छन् । 
  सोमबार दिउँसो मधुवन नगरपालिका–२  स्थित सोनाह गाउँकी ४१ वर्षीया अस्मिता थारूलाई चितुवाले आक्रमण गरी घाइते बनाएपछि स्थानीयबासी आन्दोलननमा उत्रिएका  थिए । स्थानीयले गुलरिया राजापुर सडक खण्डको  ओराली बजारमा सडक बन्द गर्दै सुरक्षाको माग गरेका गरेका थिए ।