नेपाली सेनाले एसपीपीका सन्दर्भमा अमेरिकालाई पठाएको पत्र विवादमा तानिएपछि सरकारले यसबारे स्पष्ट निर्णय गरेको छ । मन्त्रिपरिषद्को सोमबार बसेको बैठकको निर्णयानुसार अब विदेशी कूटनीतिक नियोगलाई गरिने सबै पत्राचार परराष्ट्र मन्त्रालयबाट मात्र गर्ने निर्णय गरेको बैठकपछि एक मन्त्रीले जानकारी दिए । 

निर्णयसँगै अब अरु निकायहरुले आफूखसी पत्राचार गर्न पाउने छैनन् । सेनाले सन् २०१५ र २०१७ मा सरकारको तर्फबाट भन्दै एसपीपीका सन्दर्भमा पत्राचार गरेको थियो । जुन पत्रका सन्दर्भमा विवाद भएको थियो भने एसपीपी नै फिर्ता लिन दबाब भएपछि आजैको बैठकले एसपीपी फिर्ता लिन प्रक्रिया अघि बढाउने निर्णय समेत गरेको छ ।