उद्योगमन्त्री दीलेन्द्र बडूले मंगलवार पेट्रोलियम पदार्थको मूल्यवृद्धिबारे संसदमा जवाफ दिने भएका छन् । 

सोमवार सभामुख अग्निप्रसाद सापकोटाले मूल्यवृद्धिबारे जवाफ दिन रुलिङ गरेका थिए । सोहीअनुसार मंगलवार उद्योगमन्त्री बडूले जवाफ दिने कार्यक्रम रहेको सभामुखका प्रेस संयोजक श्रीधर न्यौपानेले जानकारी दिए । 

साथै आजदेखि शून्य र विशेष समय दुवै चल्नेछ । संसदमा विनियोजन विधेयक र अर्थसँग सम्बन्धित विधेयकहरू प्रतिनिधि सभाबाट पारित भएपछि थाती रहेका विधेयकहरूमा आजदेखि छलफल अघि बढ्नेछ ।