नेपाल मजदुर किसान पार्टीका सांसद प्रेम सुवालले राज्यले धेरै धनसम्पत्ति हुने मान्छेहरूको नाम सार्वजनिक गर्नुपर्ने बताएका छन् । 

शुक्रवार प्रतिनिधि सभाअन्तर्गतको राज्य व्यवस्था तथा सुशासन समितिको बैठकमा उनले धनी मान्छेहरूको नाम प्रतिष्ठित व्यक्तिको नाममा सूची बनाएर सार्वजनिक गर्नुपर्ने बताएका हुन् । 

‘राज्यले धनी मान्छेहरूको नाम प्रतिष्ठा र इज्जतको हो भनेर सार्वजनिक गराउनुपर्छ,’ उनले भने, ‘जसको धेरै सम्पत्ति छ, धेरै प्रतिष्ठित मान्छे हो तपाईंहरू भनेर सम्पत्ति सार्वजनिक गराउनुपर्‍यो । धनीको सूची प्रकाशित गरौँ ।’